Saytimiz ijodkorlari futbol muxlislarini zeriktirib qo'ymaslik maqsadida futbolchilar bilan bog'lanib, intervyu tashkil etmoqdalar. Jumladan bugun Yaypanning "Turon" klubi azosi Javohir Sohibov bilan tashkil etilgan intervyuni etiboringizga havola etamiz.
- Javohir, "Turon" tarkibiga kelib qo'shilganingizga hali ko'p vaqt bo'lmadi. Jamoaga moslashish jarayoni qanday kechdi?
- "Turon" jamoasiga moslashish jarayoni men uchun qiyin kechmadi. Futbolchilar bilan tezda kirishib ketdik. Bizda ayni damda ahil jamoa yig'ilgan.
- "Turon" jamoasining yarim himoya chizig'ida raqobat qanday?
- Jamoamizning yarim himoya chizig'ida tajribali futbolchilar jam bo'lgan. Bu esa o'z-o'zidan raqobatni yuzaga keltiradi. Murabbiy albatta eng yaxshi tayyorgarlikka ega bo'lgan futbolchini maydonga tushiradi. Yaxshi o'yin namoyish etmasangiz, o'z o'rningizni yo'qotib qo'yish xech gap emas.
- PRO-Ligada ishtirok etishi kutilayotgan 8 jamoaning hech birini kuchsiz deb bo'lmaydi.Nima deb o'ylaysiz, bu yilgi mavsumda qaysi jamoalar Superliga yo'llanmasi uchun kurash olib boradilar?
- Aytib o'tganingizdek, PRO-Ligada kuchsiz jamoaning o'zi yo'q. SHu sababdan hozircha biron narsa deyish qiyin, barchasii vaqt ko'rsatadi.
- Agarda "Paxtakor" sizni yana o'z tarkibiga chorlasa, jamoaga qaytgan bo'larmidingiz?
- Ayni damda "Turon" jamoasi azosiman. Klubda futbolchilarga yaratib berilayotgan sharoit meni qoniqtirmoqda. Nasib bo'lsa "Turon" bilan Superliga yo'llanmasini qo'lga kiritib, "Paxtakor"ga qarshi o'ynashni maqsad qilganman.
- Javohir Sohibov uchun qaysi sovrin muhimroq? Jamoaviy yoki induvidial?
- Futbol jamoaviy o'yin. Induvidial tarzda natijaga erishish qiyin. SHundan kelib chiqsa, men uchun jamoaviy sovrin muhimroq.
- O'z vaqtida siz bilan yoshlar terma jamoasida o'ynagan Eldor SHomurodov, Otabek SHukurov kabi futbolchilar endilikda milliy terma jamoamiz safida maydonga tushmoqdalar. Bu xolat sizga qanday tasir o'tkazadi?
- Ular uchun xursandman albatta. Kelajakda ko'rsatayotgan natijalari bundanda yuqori bo'lishini tilayman. Vaqti kelib ular bilan milliy terma jamoamiz safida o'ynashga umid qilaman.
- Kuchli beshlik chempionatlarida o'yinlari sizga maqul bo'lgan futbolchilar bormi?
- Ha, "Barselona" azosi Serxio Busketsning o'yinlari menga juda yoqadi. Uning o'yinlarini kuzatib, o'zlashtirishga harakat qilaman.
- Kelajakdagi masadlaringiz qanday?
- Maqsadim PRO-Ligada "Turon" bilan har bir uchrashuvda g'alaba qozonib, yakunda Superliga yo'llanmasini qo'lga kiritishdan iborat. Jamoamiz muxlislaridan har bir o'yinda bizni qo'llab-quvvatlab turishlarini iltimos qilgan bo'lardim, barchalarining oilalariga tinchlik-totuvlik tilayman.
Timur Ibragimov yozib oldi.
Bosh sahifaga
199
