O'zbekiston CHempionati va Kubogi bahslarini boshqarib boradigan hakamlar tasdiqlandi

O'tgan haftada O'FF majlislar zalida O'zbekistonda faoliyat olib boradigan hakam va nazoratchilar ishtirokida yig'ilish bo'lib o'tdi. Mazkur yig'ilishda O'FF hakamlar va nazoratchilar qo'mitasi yangi mavsum oldidan FIFA testlaridan hamda nazariy mashg'ulotlaridan muvaffaqiyatli o'tgan hakam va nazoratchilar nomini elon qildi.

SHuningdek, yangi mavsum oldidan tashkil etilgan imtihonlardan o'ta olmagan hakam va nazoratchilar zaxira kunida qaytadan imtihonlardan o'tishi takidlandi.

Yig'ilishda qatnashgan O'FF hakamlar va nazoratchilar qo'mitasi boshlig'i Noil Lutfulin futbolga tadbiq etilgan bir qator yangi qoidalar borasida to'xtalib o'tdi va hakamlarning bu boradagi malakalarini oshirish borasida bir qator seminarlar va amiliy mashg'ulotlar tashkil etilishini takidladi. SHuningdek, yig'ilish davomida o'tgan mavsum yakunlariga ko'ra eng yaxshi ko'rsatkichlar qayd etgan hakam va nazoratchilarning baholari o'qib eshittirildi.

Takidlash joiz, FIFA referisi Ravshan Ermatov o'tgan mavsum yakunlariga ko'ra Oliy Liga va xalqaro maydonda faoliyat olib borgan o'zbekistonlik eng yaxshi hakam sifatida yana bir etirof etildi va unga O'zbekiston Futbol Federaciyasining maxsus sovrini topshirildi. Ravshan Ermatov brigadasida ishlaydigan qanot hakami Adbuhamidillo Rasulov esa yilning eng yaxshi laynsmeni deb etirof etildi va unga ham maxsus sovrin topshirlgani haqida avvalroq xabar bergan edik.

O'zbekiston CHempionati – 2016, O'zbekiston Birinchiligi hamda O'zbekiston Kubogi bahslari uchun tasdiqlangan hakamlar va nazoratchilar ro'yxati bilan saytning "Xujjatlar" bo'limidagi maxsus faylni yuklab olish orqali tanishish mumkin.