"Paxtakor" - "Qo'qon-1912". Uchrashuvga oid malumotlar

Tayyorgarlik
1-turni har ikki jamoa g'alaba bilan yakunladi. No'mon Hasanov boshchiligidagi jamoamiz Qibrayda chorshanba kunidan o'yinga faol tayyorgarlikka kirishadi. Qo'qonliklarning yangi ustozi Murod Ismoilov esa shogirdlari bilan allaqachon bu jarayonni boshlab yuborgan. Jamoalar safida uchrashuvni diskvalifikaciya sababli o'tkazib yuboradigan futbolchilar yo'q.
 
Qarama-qarshilik
Hozirgacha jamoalar oliy liga tarixida 20 bor to'qnash kelishgan. Ularning 12tasida "Paxtakor", 5tasida "Qo'qon-1912" g'alaba qozongan. 3 bahs durang bilan tugagan. "SHerlar" 59, qo'qonliklar 33 marta gol urishgan. Toshkentda o'tgan 10 bellashuvning 9tasida jamoamiz zafar quchgan. Bir bor mehmonlarning qo'li baland kelgan. So'nggi 7 o'yinda "Paxtakor" Toshkentda faqat muvaffaqiyat qozongan.
 
O'yin rasmiylari
Bellashuvni Olim Tolibjonov boshchiligidagi hakamlar guruhi boshqaradi. SHu paytgacha Tolibjonov oliy ligada jamoamiz ishtirokidagi 16 bahsni boshqargan. Ularning 15tasida g'olib chiqqan "Paxtakor" bir bor durangga imzo chekkan. Qanotlarda unga Artyom Kalinin va Bahodir Bahromov yordam beradi.
 
"PAXTAKOR" - "QO'QON-1912"
Hakamlar: Olim Tolibjonov (Toshkent), Artyom Kalinin (Qarshi), Bahodir Bahromov (Toshkent), Firdavs Norsafarov (Qarshi).
Nazoratchi: Elbek Musaev (Samarqand).
 
CHiptalar
CHiptalarni o'yin kuni "Paxtakor" stadioni kassalaridan 5 va 15 ming so'mdan xarid qilish imkoniyatiga ega bo'lasiz.
 
Yoshlar tarkiblari bahsi 10 mart, payshanba kuni soat 16:00da Qibraydagi stadionda boshlanadi. Asosiy jamoalar uchrashuvi 11 mart, juma kuni 17:30da "Paxtakor" stadionida start oladi. Ishqibozlarni mamlakatimizning eng sovrindor klubi va o'zbek futboli vatani shahri jamoalari o'rtasidagi bellashuvga taklif etib qolamiz.