Ixtiyor Toshpo'latov: "Xatoni to'g'rilashga harakat qilamiz"

"Bizni kuchli bosim ostidagi o'yin kutmoqda. Birinchidan o'z maydonimizda ochilish uchrashuvida o'ynaymiz, ikkinchidan o'tgan turdagi alamli mag'lubiyatni hali unutganimiz yo'q. Munosib tayyorgarlik olib bordik va ertaga faqat va faqat g'alaba biz uchun maydonga tushamiz. Muxlislarimiz bizga ishonsa va qo'llab-quvvatlab tursa natijaga ham erishamiz".

"Maydonimiz yaxshi holatda va mashg'ulotlar o'tkazmoqdamiz. Moslashish qiyin kechmaydi deb o'ylayman. Raqibdan ko'ra bu maydon bizga tanish. O'yinga hammamiz tayyormiz va boshqa hech qanday sabab bizga tasir o'tkazmasligiga ishonamiz. Raqibimiz haqida yaxshi bilamiz. "Metallurg" istalgan jamoani har qaysi maydonda bo'lsa ham egishga qodir. Buni bir necha bor isbotlagan ham. O'tgan yili qiyinchilik bilan qo'lga kiritilgan durang ham yodimizdan chiqqani yo'q. Oldinda bizni safarda "Bunyodkor" bilan o'yin kutmoqda. Buni ahmiyati esa ikki barobar og'irdir. Yo'l qo'ygan xatolarimizni to'g'rilash uchun harakat qilamiz. O'ylaymanki, uch ochkoni qo'lga kiritamiz", - deydi Toshpo'latov ertangi bahs haqida.

"Mashal" matbuot xizmati