Uning ushbu klubdagi ikknchi yili nihoyatda muvaffaqiyatlarga boy tarzda o'tgan desak mubolag'a bo'lmaydi. SHu yili u “qaldirg'ochlar” bilan chempionat kumush medalini qo'lga kiritibgina qolmasdan jamoaning OCHL guruh bosqichiga chiqishida muhim rolb o'ynadi. Jamoadagi ilk mavsumida ko'p ko'zga tashlanmagan bo'lsada, keyingi yilda jamoaning muhim figuralaridan biriga aylandi. Aynan 2016 yildan so'ng SHomurodovning haridorlari, uni o'z safiga qo'shib olishni istagan klublar soni keskin ortdi. Natijada 2017 yilning ikkinchi yarimida Rossiya tomon otlandi. 2016 yil OCHL pley off bahsidan o'rin olgan, guruh bosqichiga yo'llanma beruvchi “Bunyodkor” “Al SHabab” uchrashuvi SHomurodovning sarguzashtlarini boshlab bergandi. Demak, bugun bir o'yin tarixi loyihasi orqali mazkur bellashuv haqida fikrlashamiz.
2015 yilni muvaffaqiyatsiz yakunlagan “Bunyodkor” navbatdagi mavsum oldidan tarkibini kuchaytirishga erishadi. O'sha yillar klub moliyaviy tomondan ancha barqaror edi. Tarkibga Bahodir Nasimov, SHahzod Nurmatov, Aleksandr Alimpievich, Yuritsa Bulyat kabi yaxshi saviyadagi futbolchilarni o'z safiga qo'shib oladi. Ijaradan Javlon Mirabdullaev, Dilshodbek Ahmadalievlar qaytariladi. Legione futbolchi Alimpievich 2014 yilgi mavsumning birinchi davrasida “Olmaliq”dagi o'yinlari orqali muxlislarga tanilgandi. SHuningdek, klub akademiyasidan Doston Hamdamov, Akrom Komilov, Zabixillo O'rinboev kabi yoshlar etishib chiqib asosiy tarkibga kirish uchun raqobatlashishga tayyor edilar. Murabbiy sifatida Sergey Lushan ish olib borardi. U asosan yosh futbolchilarga tayangan holda o'yin tashkil qilardi. Uning davrida ko'pgina iqtidorli futbolchilar katta futbolda o'z o'rniga ega bo'lganini ham takidlash joiz. Bularning barchasi jamoaning OCHL guruh bosqichiga chiqishi uchun qilindi. Qura natijalariga ko'ra BAAning “Al SHabab” jamoasi raqiblik qiladigan bo'ldi. Agarda, daraja va tarkibni inobatga oladigan bo'lsak nazariy tomondan favorit ular edi. SHababliklar tarkibida bir qator tajribali va yuqori darajadagi futbolchilar to'p tepardi.
Enrike Luvannor, Junino, Karlos Vilyanueva, hamyurtimiz Aziz Haydarovlar harakat qilardi. Bosh murabbiy braziliyalik Kaio Junior qo'l ostida yaxshi jamoa shakllangandi. BAA chempionatida ham sovrinli o'rinlar uchun kurashardi. Bahs 9 -fevral kuni bo'lib o'tadi. Garchi havo sovuq va qor yog'ganiga qaramasdan stadionga ko'plab muxlislar tashrif buyuradi. Sergey Lushan tajribali raqibga qarshi yosh va g'alabaga chanqoq bo'lgan yoshlarni tushuradi. Hujum uchligidan Hamdamov, SHomurodov, O'rinboev joy oladi. Keyinchalik bu trio yil davomida ko'plab gollar uradi. Bellashuvning dastlabki daqiqalaridanoq mezbonlar to'pni uzida ushlashga va raqibni to'psiz o'ynatishga majbur qilishadi. 5 – daqiqa o'tib borayotgan payt o'ng qanot himoyachisi Akrom Komilov tezlik bilan oldinga o'tadi va to'pni Eldor SHomurodovga oshiradi. Eldor esa ortiqcha qiyinchiliksiz Salim Abdulla qo'riqlayotgan darvozani ishg'ol qiladi.
SHundan so'ng mehmonlar ham hujum uyushtirishga, bosim qilishga harakat qilishadi. Luvannornig o'zi bir necha marotaba darvozabon Murod Zuhurovning hushyorligini sinab ko'radi. Ammo, uzoqdan berilgan zarbalarga aniqlik etishmaydi. 35 – daqiqaga kelib Eldor SHomurodov dublni rasmiylashtiradi va qaysidir manoda g'alaba olib kelgan to'pni kiritadi. Ikkinchi bo'limda esa doimgidek raqib oradagi farqni yo'qqa chiqarishga, “Bunyodkor” futbolchilari esa natijani saqlab qolishga intilishadi. Pley offda faqat bitta o'yin natijasiga ko'ra g'olib jamoa guruh bosqichiga yo'l olardi. Amalda yo'llanma “qaldirg'ochlar”ga nasib qildi. Ammo, poytaxt jamoasi guruh bahslarida ishtirokini omadsiz yakunlaydi. Hattoki, g'alaba nimaligini bilmaydi. “Al Nasr”(3:3, 0:1), “Zobahan”(0:1, 5:2), “Laxviya”(0:2, 0:0) jamoalari bilan durang va mag'lubiyat natija qayd etadi. Ammo, ichki chempionatda birinchi davrani mag'lubiyatsiz yakunlaydi. “Al SHabab” bilan o'yin qahramoni bo'lgan SHomurodov, Doston Hamdamov bilan birgalikda Oliy Ligada jami 10ta to'p kiritib jamoa to'purari bo'ladi.
Abdulaziz Iskandanov tayyorladi.
OCHL 2016. Pley off. G'arb mintaqasi
09.12.2016. Toshkent, “Bunyodkor” stadioni.
“Bunyodkor” – “Al SHabab” 2:0
Bosh hakam: Kim Dong Djin
Gollar: Eldor SHomurodov 2, 35
“Bunyodkor”: Murod Zuhurov, Akrom Komilov, Akmal SHorahmedov, Rustam Ashurmatov, Javlon Mirabdullaev, Otabek SHukurov(SHahzod Nurmatov), SHaker Zuagi, Aleksandr Alimpievich, Doston Hamdamov(Sato Minori), Eldor SHomurodov, Zabihillo O'rinboev(Bahodir Nasimov)
Bosh sahifaga
390