Eslatib o'tamiz, uch hafta oldin Doha (Qatar, Eron va Iroq) va Dubay (BAA va Saudiya Arabistoni)da futbol federaciyalarining vakillari bilan uchrashuvlar bo'lib o'tgandi. Unda uchta variant taklif etilib, ulardan eng noqulayi o'yinlarni iyul oyi oxirigacha qoldirib, ularni markaziy turnir tamoyili bo'yicha o'tkazish edi.
Bu variant Tokio Olimpiadasida ishtirok etishi kerak bo'lgan Saudiya Arabistoniga yoqmadi. Endi bu imkoniyat mavjud emas, eng noqulay variant eng maqbuliga aylandi.
OFK Osiyoning g'arbiy mintaqasidagi mamlakatlarga CHempionlar Ligasi o'yinlarini faqat avgustda tiklanishini va sayohatsiz o'tkazilishini rasman malum qildi.
Bu nimani anglatadi? Endi OFK musobaqalar qo'mitasi har bir guruh uchun mamlakatni tanlashi kerak va bu uchun arizalar qabul qilinishini kutadi. Masalan, Qatar ikkita guruh uchun raqobat qiladi, ammo yakuniy qarorni OFK qabul qiladi. O'FA ham shu o'rinda o'z arizasini yuborishi kerak.
O'zbekiston ham bitta guruh o'yinlarini qabul qilishga urinishi mumkin ("Paxtakor" ishtirok etadigan guruh o'yinlarini). SHu bilan birga bu yoshlar o'rtasidagi Osiyo chempionati uchun sinov bo'lishi mumkin.
Bosh sahifaga
340