Ravshan Ermatov AQSH - Kolumbiya o'rtasidagi o'yinni boshqaradi
/ Kiritdi: BestMaster O'qilgan: 1249
O'zbekistonlik FIFA hakami Rashvan Ermatov Olimpiada-2016 pley-off saralash uchrashuvida ishlaydi.
25 va 29 mart kunlari AQSH va Kolumbiya olimpiya terma jamoalari uy-safar tizimida o'yin o'tkazishadi. G'olib jamoa Braziliyadagi Olimpiada o'yinlariga yo'llanmani qo'lga kiritadi.
FIFA ushbu o'yinlarga turkliyalik va o'zbekistonlik hakamlarni tayinladi.
25 mart kuni Kolumbiya mezbonlik qiladigan bahsda turkiyalik Juneyt CHaqir ishlaydi. 29 martda AQSHning Texas shtatida joylashgan "Toyota" stadionida bo'lib o'tadigan o'yinni Ravshan Ermatov boshchiligidagi hakamlar boshqarib borishadi.
Eslatib o'tamiz, Rio De Janeyroda bo'lib o'tadigan Olimpiada o'yinlarida 16ta futbol jamoasi ishtirok etadi. Hozirga qadar 15ta jamoaning nomi malum bo'lgan.
Yo'llanmaga ega bo'lgan jamoalar: Braziliya, Argentina, Daniya, Germaniya, Portugaliya, SHveciya, Fiji, Gonduras, Meksika, Jazoir, Nigeriya, JAR, Iroq, Yaponiya, Janubiy Koreya.
Bosh sahifaga
241