Kecha koronavirus kasalligi qayd etilgan bemor o'tkir miokard infarktidan vafot etdi.
SHu yilning 26 mart kuni surunkali kasalliklari bilan dispanser nazoratida bo'lgan namanganlik 72 yoshli R. koronavirus infekciyasi tashxisi bilan viloyat yuqumli kasalliklar shifoxonasiga yotqizilgan edi. SHu kuni soat 23:00 lar atrofida maxsus laborator tahlillar natijasida unda ushbu infekciya aniqlangan. Bemorga ushbu infekciya 12 mart kuni Turkiya safaridan qaytgan va kasalligi tasdiqlanib, karantinga olingan qizi M.dan yuqqanligi dalillangan.
Bemor uzoq yillar davomida qandli diabet, surunkali o'tkir yurak etishmovchiligi va boshqa kasalliklar bilan davolanib kelgan. Bugun tongda soat 4:30 da shifokorlarning reanimacion muolajalariga qaramasdan o'tkir miokard infarktidan vafot etgan.
Sog'liqni saqlash vazirligi
Jamoatchilik bilan aloqalar bo'limi
#uydaqoling
#vahimasizkarantin
Bosh sahifaga
1950