Toshkentda jismoniy tayyorgarlik bo'yicha murabbiylar uchun OFK seminari o'tkazilmoqda

Bu jismoniy tayyorgarlik bo'yicha murabbiylar uchun tashkil qilingan O'zbekistondagi ilk o'quv-kurslari hisoblanadi. Ushbu seminarda Oliy Liganing 14 klubidan jismoniy tayyorgarlik bo'yicha murabbiylar ishtirok etmoqda.

7 marta kuni start olgan o'quv-seminarlar jarayoni 11 mart kunigacha davom etadi. Mashg'ulotlar OFK instruktori, eronlik G'ulomrizo Jahoniy tomonidan olib borilmoqda. Unga O'zbekiston Futbol Federaciyasi texnik direktori SHavkat Imomov yordam bermoqda.

Imomov seminarlarning ochilish marosimida bu o'quv-kurslarining ahamiyati haqida to'xtalar ekan: “Jismoniy tayyorgarlik bo'yicha mutaxassislar uchun OFK seminari O'zbekistonda ilk bor tashkil etilmoqda. Avvalroq darvozabonlar murabbiylari uchun ham xuddi shunday, Level 1 darajasi uchun seminar o'tkazilgan edi. Bu seminarlar tashkil etilishining asosiy sababi - kelasi yildan OFK musobaqalarida ishtirok etadigan har bir jamoalar murabbiylar shtabining har bir azosiga o'z yo'nalishi bo'yicha maxsus sertifikatlarga ega bo'lish talabi qo'yiladi. Xuddi shuningdek, bu talab O'zPFL reglamentiga ham kiritilishi ko'zda tutilmoqda”, - deya tushuntirdi.

Seminarning nazariy mashg'ulotlari “Ramada” mehmonxonasi majlislar zalida o'tkazilayotgan bo'lsa, amaliy mashg'ulotlar O'zbekiston Futbol Federaciyasi qoshidagi suniy qoplamali maydonda bo'lib o'tmoqda.