Avvalgi so'rovnoma eronlik futbolchilar o'rtasida o'tkazilgan bo'lib, bunda "Persepolis" himoyachisi Jalol Hosseyni OCHLda o'ynash borasida eronliklar afsonasi deb topilgandi.
Saudiya Arabistoni futbolchilari o'rtasida o'tkazilgan ikkinchi so'rovnomada faoliyatining to'liq qismini "Al Hilol"da o'tkazgan Muhammad Al SHlhub bu borada saudiyaliklar afsonasi deb topildi. Al SHlhub 57% ovoz bilan birinchi o'rinni egalladi. So'rovnomada jami 42,971 muxlis ishtirok etdi.
Malumot uchun, Muhammad Al SHlhub OCHLda 13 mavsumdan beri ishtirok etib kelyapti. U 2000 yil 19 yoshida "Al Hilol" bilan Osiyo klublar chempionatida zafar quchgan. O'tgan mavsum esa OCHLda ham g'oliblikni qo'lga kiritdi.
Al SHlhub hozir 39 yoshda, lekin hali futbolni tugatgani yo'q. U hamon jamoa sardori hisoblanadi. SHlhub saudiyalik futbolchilar orasida Osiyo chempionlar ligasida eng ko'p o'yin o'tkazgan.
So'rovnomada ikkinchi o'rin Muhammad Nurga nasib etdi. U 30% ovoz to'pladi. OCHLda 9 mavsumni o'tkazgan Muhammad Nur asosan "Al Ittihod"dagi o'yinlari bilan yodda qolgan. 2000 yillardagi "Al Ittihod"ning "oltin davri" yodingizdami, o'shanda jamoani Nursiz tasavvur qilib bo'lmasdi. Muhammad Nur 2004 yil o'z jamoasi bilan OCHL bosh sovrinini qo'lga kiritgan.
Uchinchi o'rinni "Al Hilol"ning boshqa bir futbolchisi, hozirgi kunda jamoa etakchisi Salim Al Dovsari egalladi. U 9% ovoz jamg'ardi. Al Dovsari 8 mavsumdan beri OCHLda o'ynab kelyapti. U o'z klubida Salman Faraj, Yosir Al SHahrani kabi futbolchilar bilan bir qatorda turadi. Al Dovsari 2011 yil "Al Hilol"da debyutini o'tkazgan.
To'rtinchi o'rindagi Nosir Al SHamroni 2% ovoz to'pladi. OCHLda 10 mavsumni o'tkazgan ushbu hujumchi shu paytgacha bir nechta gollar urgan. Agar Muhammad Al SHlhub bilan Muhammad Nur faqat bitta jamoada o'ynab OCHLda o'zlarini ko'rsatgan deb hisoblasak, Nosir Al SHamroni bir qator klublarda maydonga tushgan.
Al SHamroni OCHLda ilk bor 2006 yil "Al SHabab" safida maydonga tushgan. SHundan so'ng "Al Hilol"da o'ynagan. Bir muddat "Al Ayn" safida foaliyat olib borgan hujumchi oxirgi yillarda "Al Ittihod" bilan xalqaro uchrashuvlarda ishtirok etyapti.
Va nihoyat mazkur so'rovnomada Saud Kariri 1% ovoz bilan oxirgi bo'ldi. Kariri OCHLda 11 mavsumni o'tkazgan. Albatta, u gol uradigan futbolchi emasdi, lekin maydonda katta hajmdagi ishni bajarardi. O'z paytida Saudiya Arabistoni terma jamoasi sardori bo'lgan Saud Kariri 2004 yil "Al Ittihod" safida OCHLda ilk bor maydonga tushgan. Ushbu yarim himoyachi OCHL finallarida 4 bor maydonga tushgan (2004, 2005, 2009, 2014) yagona futbolchi hisoblanadi.
So'rovnoma natijalari:
Bosh sahifaga
1151