Dunyoning deyarli barcha mamlakatlarida futbol musobaqalari o'tkazilmayapdi. "Manchester Yunayted" va "Manchester Siti" esa birgalikda o'z tumani uchun pandemiyaga qarshi kurashishda yordamini ayamayapti.
"Yunayted" hujumchisi Markus Reshford o'z navbatida hayriya ishlarida, maktabda tarbiya topayotgan bolalarning ovqatlanishi va karantin vaqtidagi bepul tushlik tarqatishda yordamini bermoqda.
Sulsher mana shunday global krizis vaqtida futbol klublari barchaga o'rnak bo'lishini istaydi.
"Odamlar bizni bazida qahramonlarga qiyoslashadi, ammo biz endi barchaga yordam berishimiz mumkin. Milliy sog'liqni saqlash tizimi va tibbiyot xizmati - ayni damning asosiy qahramonlari", - deb gapini boshladi Sulsher.
"Ushbu pandemiyaga qarshi kurashishda futbolchilar, murabbiylar, umuman olganda futbol ahli o'zlarini yaxshi ko'rsatishlari va ijtimoiy tarmoqlar orqali aholini yuqori kayfiyatda ushlashlari kerak".
"Bu gap men va Norvegiyaga ham tegishli. U erda nimalar bo'layotganidan xabardor bo'lib boryapman. Endi barchamiz nimalarga etibor berish kerakligini bilib boryapmiz. Endi o'zimiz va sog'lig'imiz uchun pullarni tejab qoladigan vaqt keldi. Salomatlik - birinchi o'rinda. Siyosiy shiorlarni ko'p ishlatganim uchun uzr, ammo bir tomonlama bo'lib qolishni istamayman!"
Jamoa futbolchilari karantin vaqtida Karringtonda mashg'ulot qila olmaydi, biroq Sulsher bu pallada futbolchilar o'zlarining yuqori jismoniy holatini ushlab qolishiga ishonadi.
"Futbolchilarim ajoyib! Ularga to'la-to'kis ishonaman", - deb qo'shimcha qiladi u.
"Ular tabiatan sog'lom va doimo kurashishga tayyor. Mashg'ulotlar borasida ularda barchasi joyida. Futbolchilarni chiniqtirishga harakat qilyapmiz. CHunki biz kabi odamlar barcha vaziyatga moslashishimiz kerak"
"Ha, to'g'ri. Futbolchilar doim ham oilasi bilan bo'la olmaydi. Mana endi ular katta vaqtini oilasiga ajrata oladi".
"Umid qilamanki, maydonga qaytganimizda muxlislar futbolchilarimizning holatiga qoyil qolishadi. Biroq o'zlari ham tushunib turishganidek, biz ham barcha kabi vaqtni uyda o'tkazishga majburmiz".
"Umid qilamanki, muxlislar ham odam hayotidan ko'ra muhimroq hech nima yo'qligini tushunib turibdi. Holat normallashayotganini ko'rib turibmiz. Biroq maydonga qaytishga va o'z ishimizni bajarishimizga shoshilmasligimiz kerak. Keling, barcha qiyinchiliklarni birgalikda engib o'tamiz"
"Barchamiz sabr bilan futbolning stadionga va ekranga qaytishini istaymiz, ammo buning uchun hamma bir maqsadda birlashishi, tibbiyot hodimlarining aytganini qilib, uyda qolib, tavsiyalarni bajarish va ularga yordam berish kerak"
"Agarda kimlardir yanada ko'proq yordam bersa, biz birgalikda ko'plab odamlarning hayotini saqlab qolgan bo'lamiz"
Ole-Gunnar Sulsher, 2020 yil 2 mart
Mirjalol Normatov tarjimasi
Bosh sahifaga
1370