Botir Qoraev: “Sobiq jamoamga qarshi o'ynash engil bo'lmadi, lekin ...”
/ Kiritdi: BestMaster O'qilgan: 1109
“SHo'rtan” jamoasining sardori Botir Qoraevning "Nasaf"ga qarshi o'yindagi va "Qizilqum"ga qarshi bahsdan oldingi fikrlari bilan qiziqdik.
- Avvalambor barcha O'zbekiston futboli ishqibozlarini yangi mavsumning ochilishi bilan tabriklayman. “Nasaf”ga qarshi o'yinimiz engil o'tmasligini hammamiz bilar edik. To'g'ri 17 yil o'ynagan jamoamga qarshi to'p surish menga oson bo'lgani yo'q, ammo futbol bu sport. Har bir sportchi o'z vazifasiga professional yondashishni o'rganishi, ruhan tayyorlashni bilishi zarur. Garchi yutib turgan joyda g'alabani qo'ldan boy bergan bo'lsakda “Nasaf”ga qarshi yomon o'yin ko'rsatmadik deb hisoblayman.
- O'yindan avval bashorat qilishdan yiroqman. Imkoniyatlarga keladigan bo'lsak, har bir jamoada uchrashuvdan oldin ularni doim 50-50 desa bo'ladi. Ammo ushbu tur G'uzorda bu yilgi, yangi mavsumni ochib beradi. Ochilish marosimi ko'tarinki ruhda va alo kayfiyatda yakunlanishi uchun muhlislarimizni g'alabalarimiz bilan xursand qilishni niyat qilganmiz va bunga bor kuchimizni sarflagan holda muhlislarimiz oldida yuzimizni yorug' qilishga harakat qilamiz - deydi "SHo'rtan" sardori Botir Qoraev.
"SHo'rtan" matbuot xizmati
Bosh sahifaga
543