Yoshlar ligasi. "Mashal" - "Metallurg". Murabbiylar fikri

Dastlab bekobodliklar murabbiyi Odil Isaboev o'yin haqida aytib o'tdi. "Mashal" jamoasidan esa bosh murabbiy Baxtiyor Sattarov o'yinda ishtirok eta olmagani bois katta murabbiy Maqsud Irisboev o'yin haqida gapirib o'tdi.

"Mashal" yoshlarini g'alaba bilan tabriklayman. Bugun maydon holati yaxshi bo'lmadi. Men buni bahona sifatida ko'rsatmoqchi emasman. Raqibimiz bizga nisbatan bir necha barobar yaxshiroq o'ynadi. O'z maydonida tadbir bilan boshladi va ular muxlislarini xursand etdi. Asosiy maqsadimiz bosh jamoamizga yuqori saviyali futbolchilarni etkazib berishdir. Mahalliy yoshlarga ko'proq etibor qaratgan holda ularni tarbiyalab berishga harakat qilamaiz. Xudo xoxlasa yaqin yillarda jamoamiz uchun ushbu tarkibdan kuchli futbolchilar etishib chiqadi" , - deydi Odil Isaboev.

"Bugun ko'plab yoshlarni maydonga tushirdik. Ular o'zlarini ijobiy jihatlarini ko'rsatmoqda. Juda ko'p yigitlar istedodli va yaqin yillarda asosiy tarkibdan joy olishiga ishonaman. O'yin yomon bo'lmadi va hammani harakatidan qoniqdim. Ular imkoniyati boricha harakat qilishdi. Natija o'yinga mos bo'ldi. Eng asosiy maqsadimiz futbol maktabimiz yoshlarini etuk futbolchilar qilib tarbiyalashdir", - deydi Maqsud Irisboev.

"Mashal" matbuot xizmati