"Har kuni kasallikka chalinganlar soni oshib bormoqda, vafot etganlar soni hozircha bittaga teng. Ammo, bu erda hammasi qatiy nazoratga olingan. 10 kun oldin ko'chaga niqobsiz chiqish uchun jarima joriy qilindi. Qanday jarima? Bitta maosh. Agar bu yana takrorlansa, u ikki baravar oshiriladi. SHu sababli biz karantindamiz va uyda qolishga harakat qilyapmiz. Legionerlar esa bazadalar va tennis o'ynashga chiqib turishadi. Hamma chempionatning kelajagi borasidagi qarorni kutmoqda, ammo hech qanday yangilik yo'q, jimlik. SHahar 20 aprelga qadar karantin holatida. Agar kasallanganlar soni oshib borsa, karantin yana davom etadi.
Siz tashqariga chiqishingiz mumkin, faqat niqob va qo'lqoplarda. Bu erda qaerga, nimaga ketayotgangizni va ruxsatnomangizni so'rashmaydi. Asosiysi, niqob, qolgani muhim emas. Ko'chadagi odamlar soni kam. SHahardan viloyatlarga chiqish yopiq, bunisi qatiy. Do'konlarda mahsulotlar etarli, savdo majmualari ochiq. Bu borada muammo yo'q. Rossiyada hech kim grechka sotib olmagani kabi bu erda ham vahimaga tushishlar bo'lmayapti. Hamma buyog'iga nima bo'lishini kutmoqda.
Butun dunyoda bo'lgani kabi uyda o'tiribmiz va Belarus chempionatini tomosha qilyapmiz. Bu hech narsa bo'lmagandan ko'ra yaxshiroqdir. Ko'rsatilayotgan takror o'yinlarni yoddan bilaman. Bu erda esa yangilik bor. Belarus chempionatini qiziqish bilan kuzataman, yoqadimi yoki yo'q, bu ikkinchi darajali. Asosiysi, jonli, takroriy emas. Juda yaxshi o'yinlarga ham duch keldim.
Uyga ketishga harakat qilyapmanmi? Albatta, Rossiyaga borishni xohlayman. Ammo, men bu erda qolib, jamoa va legionerlar bilan birga bo'lishga qaror qildim. Bizga ruxsat berishganida, mashg'ulotlar o'tkazamiz", - deydi Kanchelsis.
Bosh sahifaga
1087