Futbol olami birgina futbolchi, u bilan o'yindagi balansni yo'qotish tufayli, tarkibda ko'plab yulduzlar bo'lishiga qaramay omadsizlikka uchraganini ko'p bor guvohi bo'lgan. Eng yorqin misol sifatida hayolga birinchi bo'lib "Real"ning Klod Makelele bilan xayrlashgani kelaveradi. Bu yo'qotishdan so'ng "galaktikos"ning sovrinlarni "taxlab tashlash" rejasi barbod bo'lgandi. O'tgan vaqt davomida himoyaga yaqin harakat qiluvchi yarim himoyachining roli ancha o'zgargan bo'lsada, jamoasi uchun tayanch vazifasini bajaruvchi tayanch yarim himoyachilari hamon muhim figuralardan biri bo'lib qolgan.
10-o'rin. Ruben Nevesh ("Vulverxempton"; Portugaliya)
Nevesh hali yosh bo'lishiga qaramay "Portu"dan "Vulverxempton"ga ko'chib o'tdi, lekin shunga qaramay, APLda yo'qolib qolmadi. Bunda klubdagi "portugalcha muhit" o'z rolini o'ynagan bo'lsa ajabmas. Ikki yarim yil davomida Ruben chempionatning eng yaxshi tayanch yarim himoyachilaridan biriga aylana oldi. Nunu Eshpiritu Santu shogirdi xizmatlariga ko'plab top klublar qiziqib qolgan: "Real", "Yuventus" va "Manchester Yunayted" ro'yxatning boshida turishibdi. Portugaliyalik futbolchi endigina 23 yosh ekanligini hisobga olsak, uni hali biror-bir top-klubda ko'rsak ajabmas.
9-o'rin. Rodri ("Manchester Siti"; Ispaniya)
Rodrigo Ernandes 23 yoshda va hozirning o'zida top-klubda. Etiborlisi, bu uning faoliyatidagi ikkinchi jiddiy klub: 2018 yil yozida ispaniyalik "Vilyarreal"dan "Atletiko"ga 25 million evro evaziga ko'chib o'tdi, yana bir yil o'tib esa "Manchester Siti" futbolchi uchun uch barobar ko'proq mablag' to'ladi. Rodri — Xosep Gvardiola sxemalaridagi eng muhim futbolchilardan biri, APL rekordlarini yangilashni boshlab ulgurdi, lekin hali o'zining imkoniyatlarini to'liq ochib bera oldi deb bo'lmaydi: Rodri hali ancha o'sa oladi.
8-o'rin. Marcelo Brozovich ("Inter"; Xorvatiya)
Xorvatiyalik tinmay mehnat qilishi orqali o'nlikka kird. Bu mavsum Antonio Konte qo'l ostida harakat qilyapti va murabbiy Brozovichni Pirlo bilan solishtirmaslikni so'ramoqda. Marcelo orqaroqda harakat qilsada klassik tayanch yarim himoyachi emas. SHu bilan birga u qaysi jihatlarda o'yinini kuchaytirishi kerakligini yaxshi biladi:
Himoyaviy harakatlarda hali o'z ustimda ko'p ishlashim kerak. Sinchkovroq bo'lishim kerak, men ko'prog'iga qodirman. Bazan to'pni oddiy vaziyatda yo'qotishim bor gap, shu jihat ustida yana ishlashim kerak.
7-o'rin. Jorjino ("CHelsi"; Italiya)
Asli braziliyalik futbolchi xalqaro arenada Italiya bayrog'i ostida to'p tepadi. "Stemford Bridj"ga Mauricio Sarri bilan birga kelgandi, ammo murabbiydan ko'proq vaqtga klubda qoldi. Frenk Lempard Jorjinoni tayanch yarim himoyachi nuqtasida o'ynayotgan bo'lsada, Brozovich va Rodri kabi aslida yashirini dispetcher vazifasini bajaradi.
6-mesto. Tomas Partey ("Atletiko"; Gana)
Bu yigitning o'yinlarini ko'rar ekansiz, agar u "Atletiko"da emas boshqa bir jamoada o'ynaganda bundanda ochilib ketarmidi deb o'ylab qolasiz. Partey maydonda juda katta ko'lamdagi ishni bajara oladi. Ustiga-ustak afrikalik nafaqat to'pni olib qo'yishda foydali, hech bo'lmasa "Liverpul" bilan o'yinda bir necha bor dribling evaziga o'yinni "Atletiko" darvozasidan uzoqlashtirgandi. Tomas jamoa mexanizmning muhim detali bo'la olishini isbotladi va futbolchilarga ko'proq erkinlik taqdim etiladigan jamoada ko'rish qiziq bo'lardi.
5 mesto. Fabino («Liverpul»; Braziliya)
"Liverpul"ga birdaniga kirishib keta olmagan bo'lsada, vaqt o'tishi bilan raqib hujumlarini buzishga usta braziliyalik Yurgen Klopp jamoasida o'z o'rnini topa oldi. Uzun oyoqli Fabino istalgan raqibga muammo tug'dira oladi, SHu bilan birga Fabinoning o'zi ham kezi kelsa oldinga o'tib, kuchli zarba berib qolishi mumkin. Kuzda "qizillar" "Manchester Siti"ni mag'lub etgan bellashuv aynan Fabinoning golidan boshlangandi.
4 mesto. Serxio Buskets («Barselona»; Ispaniya)
"Barselona" yarim himoyachisini ortiqcha tariflash shart emasdek: biz jahon va Evropa chempioni, CHempionlar Ligasining bir necha marta g'olibi haqida gapiryapmiz. Ha, Serxio yaqinda 32 yoshga to'ladi va faoliyatidagi eng yaxshi o'yinlarini o'tkazib bo'ldi. Lekin u tajriba va aql evaziga hamon eng yaxshilar qatoridan joy egallamoqda.
3-o'rin. Yozua Kimmix («Bavariya»; Germaniya)
Iqtidorli futbolchi barcha narsada iqtidorli. Kimmix o'ng qanot himoyasida faoliyatining malum vaqtini o'tkazdi, ammo bu mavsumdan maydon markaziga ko'chib o'tdi. O'yinni o'qish qobiliyati, to'p uchun kurashda faol va "Bavariya" hujumlarini boshlab bermoqda. Total universallik, bazan Yozuaga ortiqcha bosh og'riq tug'dirayotgandek ham tuyuladi. U bir nuqtani tanlab, bor etiborini jamlasa dunyoning eng yaxshi futbolchilaridan biri bo'la olarmidi .
2-o'rin. Ngolo Kante («CHelsi»; Franciya)
So'nggi vaqtlardagi qiyinchiliklarga qaramay, Kante hamon dunyoning eng yaxshi tayanch yarim himoyachilaridan biri. Francuz hattoki shu ro'yxatda ham ajralib tura olmoqda: u jamoa hujumini boshqaruvchi, odatiy markaziy yarim himoyachi ham, yorqin "buzuvchi" ham emas. Kante — chaqqon va to'p uchun kurashda eng yaxshilaridan biri bo'lib, o'yinni juda yaxshi his qiladi. SHu sababli u juda katta xududni nazorati ostida ushlab tura oladi va zarur pallada, kerakli nuqtada paydo bo'ladi.
1-o'rin. Kazemiro ("Real"; Braziliya)
Bir qarashda yo'q joydan paydo bo'lgan super-o'yinchi. Etti yil avval Kazemiro "San-Paulo"dan "Real"ga 6 million evro evaziga ko'chib o'tdi. Asosan "Kastilya" tarkibida maydonga tushib, ko'p shirinlik tanovvul qilardi. Ammo keyin "Portu"ga ijaraga bordi, o'z ustida ishladi va "Real"ga asosiy tarkib uchun kurashish maqsadida qaytdi. Kazemiro ajoyib sifatlar jamlanmasidir: u jismonan kuchli va "qora mehnat"dan qochmaydi, taktik jihatdan kuchli, o'zining kuchli va nisbatan kuchsiz tomonlarini biladi. SHu bilan birga Karlos vaziyatni his qilish, sezish qobiliyati mavjud. U "Real"ni ko'p marta qutqargan: muhim pallalarda gol urgan va kerak pallalarda goldan qutqarib qolgan.
Bosh sahifaga
257