Ushbu musobaqa bugungi karantin davrida xalqimizning bo'sh vaqtini mazmunli tashkil etish maqsadida Jismoniy tarbiya va sport vazirligi hamda Esports Uzbekistan Federaciyasi hamkorligida tashkil etilmoqda. Musobaqa joriy yil 14-30 aprel kunlari bo'lib o'tadi.
Eng muhimi, ushbu kibersport musobaqasi to'liq onlayn rejimda o'tkaziladi va unda ishtirok etish mutlaqo bepul.
Musobaqa #UydaQolibOʻyindaBoʻling chellenji ostida tashkil etilib, unda 6 yoshdan 60 yoshgacha bo'lgan barcha yurtdoshlarimiz ishtirok etishlari mumkin .
Musobaqa quyidagi 3 ta yo'nalishda bo'ladi:
1. “FIFA20“;
2. “Clash Royale”;
3. “Victory The Age of Racing”
Musobaqaning umumiy sovrin jamg'armasi 65 000 000 so'mni tashkil qiladi.
Yo'nalishlar bo'yicha mukofot jamg'armasi quyidagicha taqsimlanadi:
“FIFA 20“ – 30 000 000 so'm (1-5-o'rinlar taqdirlanadi);
“Clash Royale” – 20 000 000 so'm (1-5-o'rinlar taqdirlanadi);
“Victory The Age of Racing” – 15 000 000 so'm (1-5-o'rinlar taqdirlanadi).
Musobaqada qatnashish uchun quyidagi havola (https://forms.gle/nRQA5hCdzueojwgV8) orqali ro'yxatdan o'tiladi.
SHoshiling, ro'yxatdan o'tishning so'nggi muddati esa 14 aprel, soat 23:00 etib belgilangan.
Musobaqa taqvimi kuyidagicha:
- 15-22 aprel, guruh bosqich o'yinlari;
- 23-28 aprel, pley-off bosqich o'yinlari;
- 29 aprel, 3-o'rin uchun bahslar;
- 30 aprel kuni esa “MINSPORT ONLAYN KUBOGI” musobaqasining hal qiluvchi final o'yinlari bo'lib o'tadi.
Musobaqa doirasidagi markaziy o'yinlar Esports Uzbekistan Federaciyasining Youtubedagi kanali orqali to'g'ridan-to'g'ri translyaciya qilinadi.
Qo'shimcha malumotlar bilan vazirlikning www.minsport.uz rasmiy sayti va @minsport telegram kanali hamda O'zbekiston elektron kompyuter sporti federaciyasining esports_uzbekistan telegram kanali orqali tanishishingiz mumkin.
Kibersport onlayn musobaqasida ishtirok eting va g'olib bo'ling!
Jismoniy tarbiya va sport vazirligi
Matbuot xizmati
Bosh sahifaga
1347