Binobarin, u futbolchilik davrida “Jayhun”, “Quruvchi”(Urganch, 1989-91 yillar), “So'g'diyona”(Jizzax, 1992), “Sitora”(Buxoro, 1993), “Turon”(Doshhovuz, Turkmaniston, 1994), “Dinamo”, “Xorazm”, “Jayhun”, “Xorazm-2003”(Urganch, 1994-98, 2000-2004 yillar), “Xiva”(Xiva, 1999) jamoalari sharafini munosib himoya qilgan. Xususan, 1992 yili jizzaxning “So'g'diyona” jamoasi safida O'zbekiston milliy chempionatining bronza medalini qo'lga kiritdi.
Aytish joizki, V.Sultonov ko'p yillik trenerlik faoliyati mobaynida faqat Xorazm viloyati jamoalarida faoliyat yuritdi. Jumladan, qator yillar oliy ligada qatnashgan “Xorazm”(Urganch), birinchi ligada ishtirok etgan “Hazorasp”(Hazorasp) jamoalarini boshqardi. Uning ustozligida “Xorazm” jamoasi esa 2010 yili O'zbekiston professional futbol ligasi kubogi egasiga aylandi. Xorazm viloyati terma jamoasi maktab o'quvchilarining “Umid nihollari-2003” respublika sport musobaqasining futbol turnirida birinchi o'rinni egalladi.
Qolaversa, u vohaning ko'plab futbolchilarini voyaga etkazishda kamarbasta bo'ldi. Hozir ham ularga o'zining foydali maslahat va tavsiyalarini berishni kanda qilmaydi. Etiborlisi, futbolimiz fidoyisi hanuzgacha futbol maydonini tark etmagan, “Xorazm” faxriylar jamoasining asosiy o'yinchilaridan biri hisoblanadi.
Kezi kelganda takidlab o'tish joizki, Vali Farhodovich yosh “charm to'p” o'yini ustalarini ham etuklik sari etaklayapti. Uning ustozligida SO'EAIBO'SMning “Yoshlik” jamoasi futbolchilari 2016 yilgi Xorazm viloyati birinchiligi(2-liga) g'olibligini qo'lga kiritdi, 2017 yili viloyat hokimi kubogi sohibiga aylandi. Aynan, shu yili Urganch shahrida havaskor jamoalar o'rtasida O'zbekiston Respublikasining Birinchi Prezidenti I.Karimov xotirasiga bag'ishlab uyushtirilgan viloyat ochiq turnirida zafar quchdi. Bu ro'yxatni yana davom ettirish mumkin, albatta.
Bugungi kunda V. Sultonov Xorazm viloyati jismoniy tarbiya va sport boshqarmasi tasarrufidagi Sport o'yinlari va engil atletikaga ixtisoslashtirilgan bolalar-o'smirlar sport maktabida metodist vazifasida samarali mehnat qilmoqda. Buning barobarida, xorazmlik o'g'il-qizlarni manan va jismonan sog'lom ruhda kamol topishiga o'z ulushini qo'shayotir.
O'z navbatida bu insonning sidqidildan mehnatlari beetibor qolmayapti. U bir necha bor viloyat jismoniy tarbiya va sport boshqarmasi hamda Sport o'yinlari va engil atletikaga ixtisoslashtirilgan bolalar-o'smirlar sport maktabi rahbariyati tomonidan faxriy yorliklar bilan taqdirlangan.
Bugun, 11 aprel kuni Xorazm vohasi futboli tarixida munosib iz qoldirgan Vali Sultonov o'zining tavallud ayyomini nishonlamoqda. SHu munosabat bilan unga sihat-salomatlik, oilaviy faravonlik, sportimiz, xususan, futbolimiz ravnaqi yo'lidagi ezgu ishlariga rivoj tilaymiz.
Ikrom XUDOYBERGANOV.
Bosh sahifaga
1991