Karantinda "Tezkor studiya" ijodiy jamoasi masofadan turib onlayn ishlashni davom ettirmoqda. Bunga qadar ijodiy jamoamiz Eldorbek Suyunov, Denis Ivankov, Sanjar Tursunov ishtirokidagi ilk onlayn dasturni taqdim etgandi. SHuningdek, ayni paytda Belorusda faoliyat yuritayotgan vakillarimiz Jasur Yaxshiboev hamda SHahboz Umarov bilan onlayn efir havola qilindi. Taniqli sport sharhlovchisi Davron Fayziev bilan jang sanati muhokama qilindi.
Kuni kecha esa o'zbek futbolining eng yuqori bo'g'ini bo'lgan O'FA va PFL rahbariyatidan Ravshan Ermatov, Avaz Maqsumov, Davron SHoqurbonov, Aziz Haydarov hamda Osiyo futboli eksperti Alisher Nikimbaev ishtirokida ajoyib onlayn efirda karantin davri va koronavirusning o'zbek futboliga tasiri mavzusi muhokama qilindi.
Endi esa "Tezkor studiya" yana bir ajoyib dasturga tayyorlanmoqda. Hali hech qaerda birgalikda to'planmagan o'zbek futbolining hozirgi kundagi eng nufuzli mutaxassislari, yani etakchi jamoalarimiz murabbiylari - Mirjalol Qosimov (AGMK), SHota Arveladze ("Paxtakor"), Andrey Kanchelskis ("Navbahor"), va Vadim Abramov (O'zbekiston MTJ/"Bunyodkor") ishtirokidagi jonli efir bugun "Championat.asia" saytining "Facebook"dagi rasmiy sahifasida soat 16:00da boshlanadi.
Ajoyib mutaxassislar ishtirokidagi onlayn efirda karantin davrida taniqli murabbiylar nimalar bilan bandligi, koronavirusning futbolga bo'ladigan tasiri va boshqa qiziqarli mavzular muhokamasi bo'ladi. Dastur rasmiy shakldan chetga chiqqan holda samimiy muhitda o'tishi rejalashtirilmoqda. Bunday taniqli va principial jamoalar bosh murabbiylarining bir studiyaga to'plangani va noodatiy formatdagi onlayn muloqotini doim ham kuzatish imkoniyati bo'lmaydi. Bugun "Championat.asia" ijodiy jamoasi Sizga bunday imkoniyatni taqdim etishga shay. Muhimi, Siz uyda qoling va qiziqarli efirni kuzatib, futbol havosidan masofadan turib nafas oling!
Efir davomida "Facebook" sahifamiz foydalanuvchilarining eng qiziqarli va mavzuga oid savollari mutaxassislarga o'qib beriladi.
Jonli efirni tomosha qilish va savol yo'llash tekin! Faqat sharti shuki, Sizdan "Championat.asia" saytining "Facebook"dagi sahifasiga obuna bo'lish va "Like" tugmasini bosish talab etiladi :-)
FEYSBUKKA O'TISH
Gigantlar mehmon bo'ladigan qiziqarli jonli muloqotni o'tkazib yubormang va uyda qoling!
Bosh sahifaga
580