- Xitoydagi hayotingiz qanday boshlandi?
- Fevral oyi ohirlarida Xitoyga kelgandim. Deyarli bir oy davomida uyim oldidagi stadionda individual tarzda mashg'ulotlarda qatnashdim. Hozirda SHenyang shahrida jamoa bilan mashg'ulotlar olib boryapmiz.
- Demak, barcha jamoalar mashg'ulotlarni boshlashgan?
- Ha, shunday.
- Xitoydagi holat qanday?
- Hammasi yaxshi tomonga o'zgargan. Do'konlar, super, gipermarketlar ishga tushgan. Odamlar deyarli ozodlikka chiqqan. Umuman olganda Xitoydagi holat anchagina yaxshi.
- Yangi mavsumga tayyorgarlik qanday ketyapti?
- Uch hafta oldin mashg'ulotlarni boshladik. Barchasi bir maromda olib borilyapti. Tayyorgarlikning dastlabki bosqichini o'tayapmiz. Hozircha sinov-nazorat o'yinlari o'tkazilmadi.
- Jamoa oldiga qanday vazifa qo'yilgan?
- Ushbu mavsumda 1-o'rinni egallab, yuqori ligaga chiqish.
- Jamoa tarkibida yana legionerlar bormi?
- Ha, Janubiy Koreya va Kongodan futbolchilar bor. Tarkib yaxshi futbolchilardan tashkil topgan. Jamoamiz rahbariyat qo'ygan vazifani bajara oladigan darajada ekanligiga ishonaman.
Mirjalol Normatov suhbatlashdi
Bosh sahifaga
1044