Ayrimlari o'zining ajoyib o'yinlari bilan mahalliy ishqibozlarga manzur kelgan bo'lsa, bazilari qisqa muddat to'p tepib aytarli hech qanday foydasi tegmadi. Giorgi Kvesieshvili esa O'zbekistondagi 4 yillik faoliyati davomida o'zidan ijobiy taassurot qoldira oldi. Futbolchi yurtimizdan qolgan xotiralari bilan o'rtoqlashib, sobiq jamoalarining ayni vaqtdagi holatiga munosabat bildirdi.
“Menga O'zbekistonda hamma narsa yoqardi. Kimlarni tanigan bo'lsam ularni barchasini hozir ham hurmat qilaman. Bundan ortiq yana nima kerak menga. Insonlarni va muxlislarni hurmati va etiboridan bo'lak baxt yo'qdir.
Hozirda natijalar qoniqarsiz? Bu ko'proq ishonch bilan bog'liq. To'g'risi, ayni payt vaziyat qanday ekanligidan bexabarman. Ammo, chempionat o'yinlarini, sobiq klublarim ishtirokidagi uchrashuvlarni ko'rib boraman. Natijalarga befarq emasman. Ularga muxlislik qilishda davom etmoqdaman.
Navoiydagi eng esda qolarli bahs “Paxtakor” bilan bo'lgandi. O'shanda men ohirgi daqiqalarda gol urib jamoamga qimmatli bir ochkoni olib bergandim. To'g'risi, poytaxt klubidan ochko olish o'sha paytda ham murakkab edi. Ammo, biz buni uddalagandik.
Ishqibozlar doim natija talab qilishadi. Ular bunga haqlidirlar. CHunki, bu ularning ishi hisoblanadi. Hech qaysi futbolchi yoki jamoa maydonga yutqazish uchun chiqmaydi. Doim g'alaba qozonishni iloji yo'q. Gohida o'yin sifati yaxshi chiqmasligi tabiiy hol deb bilaman. Bu borada esa bosh murabbiy yoki murabbiylar shtabi obdon o'ylab bosh qotirishi kerak.
Muvaffaqiyatsizlikda muammo bitta bo'lmaydi. Haqiqiy muammo jamoa atrofida. Futboda kimdir yutadi yoki mag'lub bo'ladi. Agar siz yutqazdingizmi bilingki, raqib sizdan kuchli va bir bosh ustun.
Hozirda Gruziyada ham karantin. Butsalarimni mixga ilganman. Futbolchi vaqtida faoliyatini tugatishni bilishi lozim deb o'ylayman. O'zim uchun to'g'ri qarorni qabul qildim. O'zbekistondagi do'stlarimni, odamlarni sog'inaman. Lekin, bu tarixda qoldi”, - deydi gruziyalik futbolchi.
Abdulaziz Iskandarov yozib oldi.
Bosh sahifaga
336