Karantin sabab aksar yirik korxonalar o'z faoliyatini vaqtincha to'xtatib turibdi. Ko'p klublar viloyat hokimliklariga tegishli ekanini inobatga olib bu holat futbolimizga tasir ko'rsatishi mumkinmi? Baribir hozir asosiy mablag' koronavirusga qarshi kurash uchun sarflanyapti.
- Bu juda o'rinli savol. Hozir butun dunyoda ko'p sohalarning kun tartibida turgan savol. Bu borada iqtisodiyotchilar turli taxmin va farazlarni ilgari surishyapti. Kelajakda nima bo'lishini va karantin qachon tugashini hech birimiz aniq ayta olmaymiz.
- Lekin mana shunday qiyin va sinovli kunlarda fidoyilik birinchi o'ringa chiqishi kerak. Futbolga bo'lgan mehr va munosabat yuqori planga chiqishi lozim. Futbolni ko'proq yaxshi ko'ramizmi yoki pulnimi? Mana shu savolga hamma o'zi uchun javob bersa yaxshi bo'lardi.
- Ko'pincha murabbiylar aytadi: biz yoshlikda ko'proq futbolni yaxshi ko'rardik, ammo hozirgi avlodda buning teskarisi deb. Albatta, koronavirus balosi har qanday davlat iqtisodiyotiga tasir qilishi aniq. SHunday ekan vaziyatdan chiqib ketish yo'llarini qidirishga to'g'ri keladi.
- Agar bizda ham oylikning malum bir qismini ushlab qolishga to'g'ri kelsa, o'ylaymanki bunga ko'pchilik futbolchilar rozi bo'ladi. Evropaga nazar tashlang, juda ko'p joylarda oyliklarni kamaytirish ustida ish olib borilyapti. Hatto ko'pchilik futbolchilar o'zlari tashabbus bilan chiqishyapti.
- Agar bizda futbolchilar oyligi kamayishiga rozi bo'lsa, bundan shaxsan men xursand bo'lardim. Lekin buni hamma to'g'ri tushungan holda qabul qilish lozim, bu narsa piar yoki kimgadir maqtanish uchun qilinmaydi. Savob uchun qilsa bo'ladi, - deydi Ravshan Sayfiddinovich.
Bosh sahifaga
402