No'mon Hasanov: "Yigitlarga katta rahmat!"

- Yigitlarga katta rahmat! Ular yaxshi o'yin ko'rsatishdi, ko'rsatmalarni to'liq bajarishdi. Yakunda bu g'alabaga olib keldi.

- Andreev va Boltaboev ko'rinmayapti? Bu tanqidlar tufaylimi?
- Yo'q, ular jarohat olgan. Bugun ertalab mashg'ulot o'tkazdik. Ularni mashg'ulotlarda qatnashdi. Boltaboev o'n kun mashg'ulotlarda qatnashmadi. Agar uni asosiy tarkibga qo'yganimda o'zimga va boshqalarga nisbatan hurmatsizlik qilgan bo'lardim.

- Jamoada bir nafar hujumchi bor - Sergeev. Qo'l ostingizda Igorning o'rnini bosadigan futbolchi bormi?
- Mashg'ulotlarda 30 nafar futbolchi qatnashadi. Bilasizlar, biz asosan akademiyada tarbiyalanuvchilariga tayanamiz. Tarkibimizda iqtidorli futbolchilar bor. Suhrob Berdievni Igorning yoniga olganmiz. Mana bugun u gol urdi.

- Hujumchi Akobir To'raev nega ko'rinmayapti?
- Uni hali PFLdan ro'yxatdan o'tkazganimiz yo'q. CHunki eski klubi bilan hujjat ishlarini hali hal qilishga ulgurmadi.

- Siz Qo'qon futbolchi tarbiyalanuvchisiz. O'zingizni “Qo'qon-1912”dan qarzdorman deb hisoblaysizmi?
- Qo'qonni hech qachon esdan chiqarmayman. Sababi, men Qo'qon futboli tarbiyalanuvchisiman. Futbolchilik davrimda bu jamoaga qarshi maydonga chiqmasdim. (kulib) Murabbiylikda esa hammasi boshqacha bo'lyapti. Qo'qonliklar xafa bo'lishmasin ko'p gol urib qo'yyapmiz. To'g'ri tushunishadi degan umiddaman. Bu - futbol!

- Kecha o'rinbosarlar uchrashuvida Temur Tolipov uchta gol urdi? Uni asosiy tarkibga jalb qilib ko'rmaysizmi?
- Albatta uchta gol urgan futbolchini nega asosiy tarkibga kiritmasligim kerak? Bugun ham uni maydonga tushurishim mumkin edi, biroq ayrim sabablarga ko'ra, buning iloji bo'lmadi.

Furqatbek Nishonov