U suhbat jarayonida “Real Madrid” muxlisi ekanligini yashirmadi.
- Ispaniya futboliga qiziqishingizni sababi nimada?
- Biz barcha davlatlarning uslubini qiziqish bilan tomosha qilamiz va malum bir jihatlarni o'rganamiz. Biroq, Ispaniya futboli jahon miqyosida etakchilardan biri hisoblanadi. SHuning uchun ko'proq ushbu mamlakat chempionatini kuzatamiz.
- Bu kimdan chiqqan g'oya?
- Jamoadoshlarim va mening fikrim. Hozirda ko'plab chempionatlar to'xtatilgan. Qisqa vaqt ichida koronavirusni engib o'tishlariga ishonaman.
- Ispaniyadan qaysi jamoaning muxlisisiz? Futbolchilardan kimlarning harakatlariga etibor qaratasiz?
- Ha. Menga ispan uslubi juda yoqadi. La Ligada o'ynaydigan klublardan “Real Madrid”ning o'yinlariga befarq emasman. Karim Benzema, Toni Kroos, Eden Azar kabi yuqori darajadagi futbolchilarni tomosha qilish faqat zavq bag'ishlaydi. SHuningdek, “Barselona”dan Messi va Suaresning harakatlari meni o'ziga jalb qiladi.
- Mazkur ikki klubdan taklif bo'lsa ko'chib o'tishga tayyormisiz?
- Men azaldan “Real” muxlisiman. Bolaligimdan ushbu jamoaga mehr qo'yganman.
- Butun dunyoda koronavirus pandemiyasiga qaramay Tojikiston chempionati davom ettirilmoqda. Bunga munosabatingiz qanday?
- Salomatlik hayotimizning eng muhim qismidir. Hayriyatki, bizda futbol bilan shug'ullanish va uchrashuvlarni o'tkazish uchun barcha sharoitlar yaratilgan.
- Xavfsizlik qay darajada?
- Futbolimiz rasmiylari va federaciya rahbarlari tinmsiz harakat qilishmoqda. Ularning mehnati tufayli biz xavfsiz muhitda futbol o'ynamoqdamiz.
- Tojikiston futbolining hozirgi darajasi haqida nima deya olasiz?
- Bizda futbol yildan yilga yaxshilanmoqda. Oliy Ligamizda raqobatbardosh jamoalar soni oshdi. Bir necha yil oldin “Istiqlol” jamoasi OFK kubogi finaliga qadar etib borgandi. Natijalar ko'tarilishi uchun ko'p ishlayapmiz.
- Stadionlar muxlislar bilan to'ladimi? Ishqibozlik qay darajada?
- Albatta. Futbol bizda annaviy sport turi bo'lgan “gushtingiri” bilan bir qatorda turadi.
- “Istiqlol” erishayotgan muvaffaqiyatlarning siri nimada? G'alabalar nimaning hisobiga qo'lga kiritilmoqda?
- Ishning to'g'ri tashkil qilinishi muvaffaqiyatning sababidir. Rahbariyat jamoaga doim kuchli murabbiy va futbolchilarni taklif qiladi. “Istiqlol”ni o'z ichki chempionatlarida etakchilik qiladigan klublarga qiyoslash mumkin.
Abdulaziz Iskandarov tarjimasi
Bosh sahifaga
1899