Klub sport direktori Jafar Irismetov ayni paytda AGMK klubida ijarada o'ynayotgan Hojimat Erkinov haqida o'z fikrlarini bildirdi.
"Yil boshida Hojimat Erkinovga Avstriyaning oliy ligasi klubidan juda yaxshi taklif bo'lgandi. Biroq Avstriyada o'ynashga hali tayyor bo'lmagan futbolchini qo'yib yuborishni istamadik hamda O'zbekistonda qolib yana biroz o'sishini xohladik. Ayni paytda Erkinov AGMK klubiga ijaraga berildi va jamoaga katta yordam bermoqda. Bunday vaziyatda futbolchini qachon va qaysi klubga qo'yib yuborishni topa bilish eng muhimi. SHunda o'zbekistonlik futbolchilar yanada o'sishadi.
Xojimat Erkinovni anchadan buyon yaxshi bilaman. U yoshligidan o'g'lim bilan birga shug'ullangan. Juda mehnatkash bola va kelajakda yaxshi futbolchi bo'lib etishadi", - deydi "Paxtakor" klubi sport direktori Jafar Irismetov.
Bosh sahifaga
228