Obod muxlislarni JARga chorlaydi

Jamoa poytaxtimizdagi JAR stadionida Buxoro futbolchilarini qabul qiladi. Uchrashuv soat 16:00da boshlanadi.

Rasmiy o'yin oldidan stadionda yangi mauvsumning ochilishiga bagishlangan dastur ham bo'lib o'tadi. Soat 15:00dan boshlab O'zbekistonda xizmat ko'rsatgan artist, Nihol mukofoti sovrindori Ziyoda futbol muxlislarini o'zining sho'x va diltortar qo'shiqlari bilan xushnud etadi. SHundan so'ng stadionda mavsumning ochilishiga bag'ishlangan tadbir o'tkaziladi. Uchrashuvning birinchi bo'limi tugagach Bunyod guruhi ijrosidagi sho'x qo'shiqlardan bahramand bo'lasiz. Qolaversa, stadionga keladigan muxlislar uchun uziga xos sovhalar ham xozirlash ko'zda tutilgan.

Xullas, bugun JAR stadioniga kelsangiz, ketkazgan vaqtingizga aslo achinmaysiz. Kamiga Obod va Buxoro jamoalari ham muxlislarga chiroyli va tomoshabop o'yin ko'rsatishga jiddiy bel bog'lagan.

Darvoqe, stadionga kirish bepul. SHunday ekan, 12 mart kuni soat 15:00dan JAR stadionida boshlanadigan ajoyib sport va sanat shousini o'tkazib yubormang.

Obod FK matbuot xizmati