OCHL guruh bosqichidan o'rin olgan mazkur bellashuvda Temurxo'ja Abduxoliqov gol muallifi bo'lgandi. "Loko" hujumchisi o'sha o'yinni yodga oldi:
- "Bu biz uchun safardagi muhim bahs bo'lgandi. CHunki jamoamiz guruhdan chiqishga harakat qilayotgandi. Adashmasam, 5-tur uchrashuvi edi. Bu o'yingacha "Al Ittihod" bilan ikki bor durang qayd etib, "Sepaxon"ni har ikki bellashuvda mag'lub etgandik. SHundan so'ng "Al Nasr" bilan kuch sinashish uchun Dubayga yo'l olgandik".
- "BAAga 8 ochko bilan guruh peshqadami sifatida borganmiz. Agar g'alaba qozonganimizda guruhdan chiqishni to'liq hal qilardik. Esimda birinchi bo'lib raqib jamoa futbolchisi hisobni ochgandi. Keyin birinchi taym oxirlarida biz gol urganmiz. Server Jeparov burchak to'pini amalga oshirganidan so'ng to'p Timur akaning boshiga tegib menga kelib tushgan, men esa vaziyatdan foydalangandim. Gol juda tez bo'lgandi".
- "Ikkinchi taymda ko'p vaziyatlarni yuzaga keltirib, lekin boshqa gol ura olmagandik. Vaholanki safarda "Al Nasr"ni yutishimiz mumkin edi. Yakunda durang qayd etilib guruhdan chiqishni har ikki jamoa deyarli uddalagandi. Toshkentda bo'ladigan javob bahsida yutqazmasak bo'ldi edi. Javob o'yini esa 0:0 hisobida yakun topgan".
Bosh sahifaga
223