"Xayrli kun, menining ismim Igor Petkovich, 2010-2014 yillarda O'zbekistoning "Mashal", "Olmaliq" va "Neftchi" klublarida o'ynaganman.
Ayni paytda "Lokomotiv" klubi azosi Slavko Damyanovich haqida malumot bermoqchiman. Futbolchi 2 yanvar kuni klubning BAAdagi yig'iniga qo'shilgandi, hozir 17 aprel. Bugunga qadar "Lokomotiv" unga biron marta oylik bermadi, kvartira uchun ham pul berishmadi. Slavkoning xotini va bolasi ham O'zbekistonda. Klubdagi boshqa futbolchilarga rahmat, unga yordam berib turishibdi. "Lokomotiv" klubiga bu vaziyatda uyat bo'lishi kerak. Qanday yashayotgani borasida bilish uchun Slavkoga jamoadan hech kim qo'ng'iroq ham qilmayapti. Koronavirus tufayli hozir aviaqatnovlar to'xtatilgan. Agar ochiq bo'lganida samolyotga o'tirib uyga qaytardi. Sizlardan ushbu malumotni saytga joylashingizni so'rayman", - deb yozadi Igor Petkovich.
Eslatib o'tamiz, aprel oyi boshida "Bunyodkor" klubi ham 2020 yil davomida umuman oylik maosh olishmagani haqida xabar chiqqandi. 14 aprel kuni PFL bosh direktori o'rinbosari Diyor Imomxo'jaev "Bunyodkor" klubi xodimlari va futbolchilarga yanvar oyi oyligi to'lagani haqida yozgandi.
Championat.asia sayti o'zbek klublarida o'ynayotgan va ishlayotgan insonlarni eshitishga doim tayyor. Oyliklar bilan bog'liq muammolar bo'lsa saytimizning instagramdagi rasmiy sahifasiga yozing. Malumot bergan shaxs anonimligi saqlab qolinadi.
Bosh sahifaga
266