O'sha uchrashuvda ikkinchi golni urgan Sanjar SHoahmedov bahs qanday kechganini yodga oldi. Malumki, hozirda SHoahmedov oilasi bilan Malayziyada istiqomat qilyapti U bilan internet orqali bog'landik.
- "Bu uchrashuvni yaxshi eslayman. Juda qiyin o'yin bo'lgandi. Esimda, birinchi golni Sardor Rashidov urgan, keyin esa uning to'p uzatishidan so'ng men to'p kiritgandim. O'sha bahsda "So'g'diyona" jiddiy qarshilik ko'rsatganini eslay olaman".
- "Urgan golim haqida gapiradigan bo'lsam, Sardor Rashidov to'p uzatgach darvozabon bilan birga bir chiqib borib gol urganman. O'shanda qarshi hujum jamoamizga foyda keltirgandi".
SHoahmedov shuningdek Malayziyadagi holat haqida gapirdi.
- "Hamma joyda bo'lgani kabi bu erda ham karantin. Uydan deyarli chiqayotganimiz yo'q. Faqat zaril bo'lsagina ko'chaga chiqyapman. Har kuni uyda o'zim individual shug'ullanib turibman. Menimcha, jamoaviy mashg'ulotlarga keyinroq kirishsak kerak".
- "Buyog'iga Ramazon oyi ham yaqinlashib qoldi, Malayziyada ro'zaga juda jiddiy qarashadi. Balki ro'zadan keyin o'yinlarni o'tkazishimiz mumkin", - deydi faoliyatini "Terengganu" klubida davom ettirayotgan yarim himoyachi.
Superliga, 7-tur. 21.04.2018
«Lokomotiv» - «So'g'diyona» 2:0
Gollar: Sardor Rashidov (36), Sanjar SHoamehdov (54).
«Lokomotiv»: Ignatiy Nesterov, Boburbek Yo'ldoshev, Kaxi Maxaradze (Sadriddin Abdullaev, 70), Marat Bikmaev, Sardor Mirzaev, Husniddin G'ofurov (Diyor Turopov, 77), Sanjar SHoahmedov, Sardor Rashidov (Azizbek Amonov, 86), SHuhrat Muhammadiev, Oleg Zoteev, Igor Elich.
«So'g'diyona»: Dilshod Hamroev, Elyor Oripov, Alisher Ziyovutdinov, Akmal Xolmurodov, Azamat Isroilov, Dilmurod Karimov (Doniyor Hasanov, 54), Sardor Azimov, SHohruz Norxonov, Tohir SHamsiddinov, Jahongir Abdumo'minov (Izzatilla Abdullaev, 68), Nurillo To'xtasinov.
Ogohlantirish: M.Bikmaev (20), H.G'ofurov (75).
Bosh hakam: Aziz Asimov.
Bosh sahifaga
240