3 kun oldin har ikki jamoa markaziy uchrashuvlarda maydonga tushgan va ancha kuch yo'qotgandi. "CHelsi" London derbisida "Arsenal" bilan durang (0:0) o'ynagan bo'lsa, "ko'k-anorranglilar" "Nou Kamp"da "Real"ga qarshi o'tkazilgan bahsda "oq bayroq" ko'targandi (1:2).
Umuman olganda, mavsum har ikki jamoa uchun muvaffaqiyatsiz kechayotgandi. "Barsa" "Real"ga chempionlik kurashini boy bergani, "CHelsi"ning APLda kuchli to'rtlikka kirolmasligi ayon edi. Keyinchalik mavsumni yaxshi xotiralar bilan eslash uchun ECHL har ikki jamoaga juda muhim hisoblangan.
Birinchi bahsdan keyin kichik ustunlik londonliklar tomonda - "Stemford Bridjda"gi o'yinda Drogbaning yagona goli "CHelsi"ga g'alaba taqdim qilgan.
ECHL-2011/12. Yarim final (dastlabki bahs)
18 apr. 2012, 23:45
"CHelsi" 1:0 "Barselona"
Gol: Drogba 45+2.
"CHelsi": 1. CHex, 24. Kexill, 2. Ivanovich, 26. Terri, 3. Koul E., 12. Mikel, 16. Raul Meyrelesh, 7. Ramires (88') , 8. Lempard, 10. Mata (74') , 11. Drogba
O'zagarishlar: 21. Kalu (74') , 17. Bozingva (88')
Zahira o'rindig'i: 22. Ternbull, 15. Maluda, 5. Essen, 23. Starridj, 9. Torres
Ogohlantirishlar: Ramires 69', Drogba 87'
"Barselona": 1. Valdes, 5. Puyol, 2. Daniel Alves, 16. Buskets, 8. Inesta, 14. Maskerano, 21. Adriano Korreya, 4. Fabregas (78') , 6. Xavi (87') , 9. Sanches A. (65') , 10. Messi
O'zgarishlar: 17. Pedro (65') , 11. Alkantara (78') , 39. Kuenka (87')
Zahira o'rindig'i: 13. Pinto, 32. Bartra, 3. Pike, 15. Keyta S.
Ogohlantirishlar: Pedro 71', Buskets 76'.
ECHL-2011/12. Yarim final (javob uchrashuvi)
24 apr. 2012, 23:45
"CHelsi"ning ustunligi "Nou Kamp"dagi o'yinning 34-daqiqasiga qadar davom etdi (Buskets hisobni ochgan). 3 daqiqadan keyin "arsitokratlar" sardori Jon Terri maydondan chetlatildi. 43-daqiqada Inesta hisobni 2:0ga etkazganda barcha "CHelsi" bilan xayrlashish uchun taraddud ko'rar edi. Ammo Roberto Di Matteo shogirdlari bunga ko'nmaydi. 3 daqiqadan keyin Ramires hisobni qisqartirdi. Tarozi pallasi yana ingliz klubi ustunligini ko'rsata boshladi. Uchrashuvga yakuniy nuqta esa Londonda ishlari yurishmayotgan Fernando Torres tomonidan qo'yildi (92-daqiqa).
"Barselona" 2:2 "CHelsi"
Gollar: Buskets 34, Inesta 43 - Ramires 45+1, Torres 90+2.
"Barselona": 1. Valdes, 5. Puyol, 3. Pike (26') , 16. Buskets, 8. Inesta, 14. Maskerano, 4. Fabregas (74') , 6. Xavi, 9. Sanches A., 10. Messi, 39. Kuenka (67')
O'zgarishlar: 2. Daniel Alves (26') , 37. Telo (67') , 15. Keyta S. (74')
Zahira o'rindig'i: 13. Pinto, 11. Alkantara, 21. Adriano Korreya, 17. Pedro
Ogohlantirishlar: Inesta 50', Messi 71'
"CHelsi": 1. CHex, 24. Kexill (12') , 2. Ivanovich, 26. Terri (36') , 3. Koul E., 12. Mikel, 16. Raul Meyrelesh, 7. Ramires, 8. Lempard, 10. Mata (58') , 11. Drogba (80')
O'zgarishlar: 17. Bozingva (c 12') , 21. Kalu (c 58') , 9. Torres (c 80')
Zahira o'rindig'i: 22. Ternbull, 15. Maluda, 5. Essen
Ogohlantirishlar: Mikel 32', Ramires 44', Ivanovich 48', CHex 59', Lempard 72', Raul Meyrelesh 89'
CHetlatish: Terri 36'
O'yindan keyin Pep Gvardiolaning og'zidan quyidagi fikrlar yangragan: "Albatta, yigitlar harakat qilishdi. Ramiresning tanaffus oldidan urgan goli yomon tasir qildi. Bu jiddiy ruhiy zarba edi. G'alaba qozonish uchun hamma narsani qildik. Nafaqat bugun, Londondagi o'yinda ham. Ammo raqib orqa chiziqni ustalik bilan to'ldirdi, bunday himoya chizig'ini yorib o'tish oson emas. Bu o'yin menga 2 yil oldingi xotiralarni eslatdi. O'shanda yarim finalda Mourinyuning "Inter"iga shu tarzda mag'lub bo'lgandik. Bu shunchaki bizning yilimiz emas ekan. "CHelsi"ni tabriklaymiz".
Xullas, "CHelsi" shu tartibda iroda namoyish qilgandi. O'yindan keyin matbuot Terri, Ivanovich, Meyrelesh va Ramires finalni o'tkazib yuborishiga urg'u berib, "Bavariya"ning qiyinchiliksiz chempion bo'lishini taxmin qilgan. Myunxendagi finalda nimalar sodir bo'lganidan esa xabardorsiz.
Faxriddin Ro'ziev
Bosh sahifaga
1385