"Der Spiegel" nashri xabariga ko'ra, Germaniya mehnat vazirligi uch varoqli hujjatni Bundesliga rahbariyatiga jo'natgan va unda liganing davom ettirilishi ikki varianti yozib berilgan.
1-variant: barcha futbolchilar, murabbiylar, tibbiyot xodimlari va ular bilan to'g'ridan-to'g'ri gaplashadigan shahslar mavsum yakuniga qadar karantinda bo'lishadi. Masalan, klublar bir mehmonxonani mavsum yakuniga qadar ijaraga oladi.
2-variant: sport musobaqasi o'tayotgan vaqtda futbolchi va murabbiylar tibbiyot niqoblarida bo'lishadi. Niqoblar bir marta foydalaniladiganidan emas, balki, tegishli tibbiyot standartlariga ega bo'lishi kerak. Hujjatda yozilishicha, futbolchilar to'p uchun kurashayotgan vaqtida bu niqoblar ularga halaqit qilmasligi kerak. O'z navbatida futbolchilar o'yin vaqtida niqoblariga tegishi mumkin bo'lmaydi.
Agarda kimdir o'yin vaqtida niqobni echib qo'ysa, bosh hakamga uchrashuvni to'xtatish uchun huquq beriladi. Tanaffusda ham barcha futbolchilar bir-biridan 1,5 metr oralig'ida bo'ladi.
SHuningdek, golni nishonlash chog'ida futbolchilar bir-birini tabriklashi man qilinadi.
Bosh sahifaga
273