SHunga qaramay xulosa chiqarishga hali erta. Boisi, bosh murabbiy Ulug'bek Baqoev avvalgi yilda nimalar qila olishini barchaga ko'rsatib qo'ydi. Biz bilan suhbatda bo'lgan jamoaning tajribali o'yinchisi va etakchisi g'alabalar shunchaki qo'lga kiritilmaganini aytib o'tdi va fikrlari bilan o'rtoqlashdi.
“Jamoa bu yil qaytadan shakllandi. Qaysidir jabhalarda omad ham bizdan yuz o'girdi. Superliga davom ettirilsa astoydil mehnat qilib yo'qotilgan ochkolarni o'rnini to'ldirishga harakat qilamiz. Muborakda uchralgan yirik hisobdagi mag'lubiyat nimaga bog'liq? “Mashal” yuqori ligada kecha yoki bugun qatnashayotgani yo'q. Ularda bu borada tajriba va malaka etarlicha.
Ustiga-ustak birinchi tur bo'lgani uchun hachyajon sezildi. Hotirjamlikka erta berildik. O'tgan yilgi to'rtinchi o'rin tasodif emas. Bunda barchaning xizmati va yordami tegdi. Bu yil ham muvaffaqiyatlar shunchaki qo'lga kiritilmaganini isbotlamoqchimiz. Ohirgi yillarda jamoamizga barqarorlik etishmadi. Har yil tarkib yangilanaverdi.
Lekin, so'ngi ikki yilda o'sdik. Natijalar ijobiy tomonga o'zgarib bordi. Hozirgi kunda karantin vaqtida sabrlik bo'lishimiz zarur. Murabbiylarimizdan onlayn ko'rsatmalarni olib mashqlarni bajrib turibmiz. Sport formamizga kirib olishimizga boshida ozgina fursat kerak deb o'ylayman”,- dedi Elyor Orifov.
Bosh sahifaga
1768