Zoir To'raqulov: "Birdaniga 3 hujumchi bilan o'ynay olmaymiz"

"O'yindan oldin ham aytgandim, "Qizilqum" bilan bahs og'ir bo'lishini bilardim. Yigitlar harakat qilishdi, ammo bitta gol o'yin taqdirini hal qildi", - deydi To'raqulov.

"SHogirdlarimning kayfiyati yo'q? Bunga qo'shilmayman, ular bilan bahsga juda jiddiy tayyorlandik, barchasi joyida edi. Agar barcha ko'rsatmalarni to'g'ri bajarishganida sovrinli o'rinlarda yurgan bo'lardik. Yigitlarimning o'yinidan ko'nglim to'ldi, ammo gol ura olmadik. O'yin boshida raqibni o'rgandik va asta sekin hujumkorlikni oshirdik. Masalan, kecha "Olmaliq" birinchi gol urdi, ikkinchi bo'limda esa "Nasaf"ni to'xtatib qolishning imkoniyati bo'lmadi. Bugungi bahs teng bo'ldi, bitta penalti barchasini hal qildi. Hakamlarni yomonlashdan yiroqman, penalti bor yo'qligini bilmayman, hakamlarning ishiga aralashmayman. O'zimizda ham ayb bo'ldi, biz to'p kirita olmadik. Hujumda Taran, Polvonov va To'raev bor. SHu bois ularni almashtirib o'ynatayapman. Birdaniga 3 hujumchi bilan o'ynay olmaymiz", - deydi Zoir To'raqulov.

"SHo'rtan" matbuot xizmati