Evra: "Bir kuni muxlislarga qaramasdan o'tib ketdik, Fergyuson esa bizga baqirdi"

"Bir kuni mavsumoldi turnirdagi o'yinni tugatdik va avtobusga ketayotgandik. Juda qattiq charchagandim. To'g'risini aytaman: yo'lda juda ko'plab muxlislar bizni kutib turishgandi, biz esa o'zimizga shunday dedik: "Agarda kimdir avtograf berishni istamasa, hech kim buni qilishi shart emas".

Avtobusga kirib ketdik. Keyin esa oynadan Ser Aleks Fergyuson barchaga avtograf berayotganini ko'rdik. U taxminan 45 daqiqa mobaynida barchaga o'z dastxatini ulashdi. O'shanda men: "Yigitlar, biz tamommiz. Ser Aleks avtobusga chiqib, barchani o'ldiradi", - degandim.

U avtobusga keldi va bizga qarab: "Tushunmadim, o'zlaringni kim deb o'ylayapsiz? Bu odamlar orqali maosh olasizlar! Ular sizlarni ko'rish uchun bu erga kelishdi. Hammang pastga tush!". Biz pastga tushdik va barcha muxlislar bilan rasmga ham tushib, dastxat ulashdik", - dedi Evra.