Unda darvozabon Faben Bartez 2001 yil yozidagi mavsumoldi turneda chap vinger vazifasini bajargan.
Bartez o'sha uchrashuvda futbolchi sifatida (darvozabon emas) tushish uchun Aleks Fergyusonga darvozadan ko'ra maydonda ko'proq foyda keltirishini tushuntirishga uringan. "Meni posbon deyishning o'zi etarli emas, chunki bahsda maksimal darajada ishtirok etishni xohlayman" - degandi Bartez o'zi haqida.
"U to'pni nazorat qilishni yaxshi ko'radi. Bazi o'yinoldi mashg'ulotlarida futbolchi sifatida harakat qilardi. U kuchli texnikaga ega edi" - deya eslagan Fergyuson.
Bartezning orzusi Singapur terma jamoasiga qarshi bahsda amalga oshdi. "Yunayted" 7:1 hisobida oldinda edi va zaxirada o'tirgan Bartezga 10 daqiqa sovg'a qilindi. U darvozabonniki bo'lmagan futbolkani oldi (Bartez avvaliga 7-raqamni olgandi, biroq ungacha Bekxem ushbu raqamdan foydalangani uchun hakamlar boshqa raqamli libsoda maydonga tushishni so'ragan) va chap qanotga tushdi.
Videoda hammasi qanday bo'lganini ko'rishingiz mumkin: Stadiondagilar olqishi, himoyachini aldab o'tishga urinish, jarima maydonchasi ichiga ajoyib pas va omadsiz uzatma. MYU yana bitta gol urdi - afsuski, gol muallifi Giggz.
"Boshqa o'yinchilar qanotni to'p bilan taminlardi, Bartez esa to'p ketidan yuguraverib, tili osilib qolgandi" - deya ushbu voqeani yuzida kulgu bilan eslagan Fergyuson.
Bosh sahifaga
211