Aftidan u erda koronavirus bilan bog'liq vaziyat ancha yumshagan ko'rinadi. SHu bois futbol rahbarlari K-liga bahslarini boshlashga ruxsat berishdi. SHu o'rinda Janubiy Koreya futboli haqida bazi malumotlarni savol-javob shaklida keltirib o'tamiz.
Savol: K-liganing amaldagi g'olibi kim?
Javob: "CHonbuk Motors". Bu jamoa o'tgan yil o'z tarixida ettinchi bor mamlakat chempioni bo'ldi.
Savol: 2019 yil yakunlariga ko'ra, K-ligada kim eng yaxshi futbolchi deb topildi?
Javob: CHempionatda 13ta gol urgan va bir nechta golli to'p uzatgan "Ulsan Xyunday" futbolchisi Kim Bo Kyung o'tgan yilning eng yaxshisi deb topildi.
Savol: Bu qaysi jamoaning stadioni?
Javob: Bu "Inchon Yunayted" klubining uy stadioni bo'lib, 2012 yil may oyida foydalanishga topshirilgan. Stadion o'z bag'riga 20,891 muxlisni sig'dira oladi.
Savol: K-liga tarixidagi eng yaxshi to'purar kim?
Javob: Li Dong Guk. 41 yoshli futbolchi faoliyati mobaynida K-ligada 224ta gol urgan.
Savol: K-liga tarixidagi eng yaxshi xorijlik to'purar kim?
Javob: CHernogoriyalik hujumchi Deyan Damyanovich. 38 yoshli Damyanovich hisobida hozircha 189ta gol bor. Bu futbolchi "Tegu" sharafini himoya qilmoqda.
Savol: Koreya professional ligasi qachon tashkil topgan?
Javob: Koreya professional ligasi 1983 yilda tashkil topgan bo'lib, 1998 yildan beri K-liga deb yuritiladi.
Savol: K-liga tashkil topishida qaysi klublar asosiy rolni o'ynagan?
Javob: "Jeju Yunayted", "Poxang Stilers" va "Pusan Ipark" klublari asosiy rolni bajargan.
Bosh sahifaga
87
