Siroj Hamroev: "Gollar urayapmiz, endi g'alaba qozonishimiz ham kerak"
/ Kiritdi: BestMaster O'qilgan: 937
"Mashal" - "Metallurg" 1:3 uchrashuvidan so'ng "Mashal" klubi himoyachisi Siroj Hamroev o'yin haqida fikrlarini bildirib o'tdi.
"Bilasizmi, nima desam ekan. Qandaydir fikr bildirish ham qiyin hozir. Bir necha yildan buyon jamoamiz mavsumni g'alati boshlamoqda. O'tgan ikki yilda ham mavsumni ko'tarinki boshlay olmagandik va keyinchalik o'z o'yinimizni topib oldik. Bu yil ham ana shunday tushunmovchiliklar bo'lmoqda.
Jamoa gollar urmoqda lekin negadir ushlab olishni uddalay olmayapti. Endi g'alaba ham kerak. Bunga mavsum boshi bilan bog'liq bo'lishi mumkin. Turdan-turga o'yinimizni topib olishimiz kerak. Bizda shakllangan jamoa bor.
Orqa chiziqda tushunmovchiliklar bo'ldi. Darvozabon yarim jamoa va himoyachilarni birdek ogohlantirib turishi kerak. Birinchi navbatda omadsizlikka uchradik deya olaman. O'ylaymanki keyingi uchrashuvlarda muxlislarni xursand etamiz.
Hozir jarohatdan tiklanib qaytdim. Sog'lig'im borasida hammasi joyiga tushdi. Keyingi uchrashuvlarda xatolarimizni to'g'rilashimiz shart", - deydi Siroj Hamroev.
"Mashal" matbuot xizmati
Bosh sahifaga
121