2008/2009 yilgi CHempionlar ligasi bahslari yarim finalida Xiddink boshqaruvidagi “CHelsi” o'z maydonida “Barselona” bilan kuch sinashgan. Uchrashuv mobaniydi bosh hakam Tom Xenning Everebe bir qator bahsli vaziyatlarda kataloniyaliklar foydasiga qaror chiqargan. Norvegiyalik hakam kamida ikki marta “Barselona” darvozasiga penalti belgilashi mumkin bo'lgan holatda hushtak chalishni lozim topmagan. O'sha bellashuv futbol tarixiga eng munozarali bahs sifatida kirgan va londonliklar ustozi Guus Xiddink o'z faoliyati davomida ilk marta futbolning halolligiga shubha bilan qaragan.
“Hakam meni hayratga solgandi. U bungacha ko'p o'yinlarni mahorat bilan boshqarib kelayotgandi. Bu men ko'rgan o'yinlar orasida eng yomon hakamlik bo'lganmi? O'ylashimcha, ha. Bu o'yindan keyin men faoliyatimda ilk bor mazkur o'yin kelishilgan bo'lishi mumkinligi haqida o'ylab qolganman”, deya Xiddinkning so'zlaridan iqtibos keltirmoqda TalkSport.
Ushbu bellashuv yakuniga ko'ra, “Barselona” 93-daqiqada gol kiritib, turnir finaliga yo'llanma olgan va finalda “Manchester Yunayted”ni taslim etib, bosh sovrinni qo'lga kiritgan edi.
Bosh sahifaga
898