PSJ o'yinchilariga ayfon uchun tilla g'ilof sovg'a qilmaydi

PSJ rahbariyati futbolchilarga Franciya chempionatidagi g'alaba sharafiga ayfon uchun mo'ljallangan oltin g'iloflarni hadya qilmoqchi emas.

Avvalroq iDesign Gold tomonidan ishlangan maxsus to'plam futbolchilarga taqdim qilinishi haqida xabar berilgandi.

"PSJ bu kompaniyaga aloqador emas. Mazkur kompaniya bizning nomimizdan o'zini reklama qilish uchun noqonuniy ravishda foydalanmoqchi. Xabarlarda biz iDesign Gold xizmatlariga murojaat qilganimiz takidlanmoqda. Bu noto'g'ri va kishini chalg'ituvchi malumotdir. Bu kabi amaliyotlar PSJ qadriyatlariga to'g'ri kelmaydi", — deyiladi klub matbuot xizmatining bayonotida.