"Xitoy chempionatida o'zgarishlar bo'lishi kutilmoqda" - Alisher Nikimbaev

"Xitoy futbol associaciyasi mamlakat hukumatidan Superliga bahslarini 27 iyun kuni boshlashni so'ragan.

Mavsum startining cho'zilib ketishi chempionat formatinining o'zgartirilishiga olib kelishi mumkin. Ikki davrali turnir o'rniga o'tgan mavsum natijalari bo'yicha ligani 8 jamoadan iborat ikki guruhga bo'lish taklif etildi. Musobaqa yakunida chempionlik va ligada jon saqlab qolish masalasi pley-off shaklida hal qilinishi mumkin.

Barcha legionerlar o'z klublari safiga qaytib kela olmagani tufayli XFA xorijlik futbolchilar uchun ajratilgan kvotani qayta ko'rib chiqishi kutilmoqda", — deb yozdi mutaxassis o'zining telegramdagi shaxsiy kanalida.