Evropa top ligalari ichida birinchilardan bo'lib "kambek"ni amalga oshirayotgan Bundesliga 16 may kuni katta ekranga qaytadi. Bundesliganing restarti ajoyib to'qnashuv, yani "Rur derbisi" maqomidagi "Borussiya" Dortmund va "SHalke" o'rtasidagi bahs orqali davom ettiriladi.
 Borussia Dortmund | 1. Bundesliga . 26-tur 16/05/2020, 18:30 - : - Boshlanmadi |  Schalke 04 |
Stadion: Signal Iduna Park
Malumot o'rnida, Jahon futbolidagi eng principial va qiziqarli derbilardan biri bo'lgan "Rur derbisi" doirasida "Borussiya" hamda "SHalke" jamoalari barcha musobaqalarda jami 59 marotaba duch kelishgan. O'zaro o'yinlardagi ustunlik "SHalke"ga tegishli - 20 g'alaba. "Borussiya" Dortmund esa 15 bor raqibini mag'lub etgan. Qolgan 24 uchrashuvda kuchlar teng kelgan.
Birinchi davradagi Gelzenkirxenda o'tgan bahsda tomonlar murosa ko'chasini tanlashgandi. Ayni damda turnir jadvalida David Vagner boshqaruvidagi "SHalke" 37 ochko bilan 6-o'rinni egallab turibdi. Lyusen Favr boshchiligidagi "Borussiya" Dortmund esa 51 ochko bilan peshqadam "Bavariya"dan 4 ochkoga ortda va ikkinchi pog'onani band etgan.
Eslatib o'tamiz, "Rur derbisi" 16 may kuni Toshkent vaqti bilan 18:30da start oladi. Bundesliga shu kuni 2 oylik tanaffusdan keyin yana ishga kirishadi.
Bosh sahifaga
274