Dasturning asosiy mavzusi sifatida tanlangan Bundesliga restarti batafsil muhokama qilindi. Dastur mehmonlari sifatida qatnashgan saytimiz marketologi Alisher Xolmatov, jurnalist Tolibjon Qosimov hamda Germaniya futboliga ixtisoslashgan ijodkor SHahboz Beg'amov va boshlovchi Kamoliddin Alimov ishtirokida karantin davridagi Germaniya chempionatining tiklanishi va ligadagi intrigalar haqida so'z bordi.
Dastur o'rtasiga yaqin studiyaga kutilmagan mehmon sifatida taniqli jurnalist Saidolim Turdiboev qo'shildi. SHundan so'ng mavzu Bundesligadan Angliya premer ligasi, karantin davridagi muxlislarsiz futbol qay darajada qiziq bo'lishi va saytimiz asoschisi Gayrat Xasbiulin tomonidan yangragan bazi insayd xabarlar mavzuni o'zgartirib yubordi.
Dastur davomida barcha o'zbekistonlik futbol muxlislari kutayotgan xabar, yani Eldor SHomurodov oldida turgan variantlar, xususan La Liganing nomdor jamoasi tomonidan yuborilgan va "Rostov" stolida turgan rasmiy taklif va Bundesliga varianti orasidan qay bir tanlov SHomurodov uchun to'g'ri bo'lishi muhokama qilindi.
Qizg'in kechgan suhbatga O'zbekiston terma jamoasi hamda "Paxtakor" klubi darvozaboni Eldorbek Suyunov qo'shildi. Muxlislardan kelgan savollar ichidan "Paxtakor" va hakamlar o'rtasidagi keskin savolga Suyunov noodatiy tarzda javob berdi. Dastur yakunida esa Suyunov "Tezkor studiya" boshlovchisi Kamoliddin Alimovga o'ziga xos taklif bilan murojaat qildi.
Qisqasi, 2 soat davom etgan "Tezkor studiya"ning mazkur dasturi Bundesliga restarti, karantin davridagi futbol, insayd malumotlar, Eldor SHomurodov Evropaning kuchli-beshlik chempionatiga ketishi haqida hamda boshqa qator mavzularda qizg'in suhbat va muhokamalar bo'ldi.
Quyida "Tezkor studiya" dasturini tomosha qilishingiz mumkin.
Bosh sahifaga
882