Bu haqda federaciya prezidenti Jibril Rajub klublar bilan muloqot chog'ida malum qildi. Koronavirus pandemiyasi sabab Falastinda ham mart oyida futbol o'yinlari to'xtatib qo'yilgandi. Lekin endilikda vaziyat ancha yumshagani bois milliy chempionat yana davom etadigan bo'ldi.
Bu haqda federaciya rahbari shunday dedi: "Falastin futbol federaciyasi klublar bilan ishlashni maqsad qilgan. Biz nima bo'lmasin bu yilgi chempionatni tugatib qo'yishimiz kerak. Biz klublarni va futbolchilarni himoya qilishda davom etamiz, chunki hammamiz uchun eng muhimi sog'likdir. CHempionat o'yinlari davom etadi, faqat buning uchun klublarga tayyorgarlik ko'rib olishlari uchun ikki hafta muhlat beramiz. SHundan so'ng o'yinlar to'xtagan joyidan davom etadi".
Malumot uchun, Falastinda milliy chempionat tugashiga uch tur qolgan. Uchta tur uchrashuvlari uch kunda bo'lib o'tkaziladi. Buning uchun mamlakat shimoli, janubi va markazidagi stadionlar tanlab olinadi va o'yinlar shu erda bo'lib o'tadi. CHempionat bahslari muxlislarsiz tugatib qo'yiladi.
Bosh sahifaga
1725