Jismoniy jihatdan baquvvat futbolchimizning uslubi top besh chempionatlariga bemalol tortardi. Nima uchun kuchli ligalardan tushgan taklif shundayligicha qolib ketdi? Bu haqda SHackix “Tezkor Studiya”da javob berdi.
“Ko'pchilik o'ylagandek "Vest Bromvich"dan emas, “Nyukasl”, “Vest Xem” va “Totenxem"dan takliflar kelib tushgandi. Biz CHempionlar Ligasida “Nyukasl” bilan o'ynagandik, o'shanda ushbu jamoani Bobbi Robson boshqarardi. SHundan so'ng meni darhol qo'lga kiritishmoqchi bo'lishgan. Nima uchun transfer sodir bo'lmagan? Bu savolni Kiev klubi rahbariyatiga berganingiz maqul. 2007 yilda “Galatasaroy” jamoasidan ham chorlov olganman. Yaxshi summa to'lashmoqchi bo'lishgan. O'shanda “Dinamo” prezidenti chaqirtirib, bu mening darajamga mos emasligini aytgandi”, - deb xotirlaydi SHackix.
Malumot o'rnida aytish joizki, CHempionlar Ligasining 2002 yilgi mavsumida “Dinamo Kiev” o'z maydonida “Nyukasl”ni qabul qiladi. Maydonda 16-raqamda harakat qilayotgan SHackix uchrashuvning 16-daqiqasida SHey Given qo'riqlayotgan darvozani yuqori burchagini aniq nishonga oladi. Keyinchalik bu golga “The Independent” nashri “World class” deya baho bergandi.
Video. Bir o'yin tarixi. "Dinamo" - "Nyukasl" yoxud SHackixning o'sha mashhur goli
Quyida "Tezkor studiya"ni tomosha qilish mumkin:
Bosh sahifaga
289