Birinchi bosqichda Tojikistonning "Xo'jand" jamoasini ikki o'yinda 5:2 hisobida dog'da qoldirgan "Paxtakor" nimchorak finalda Turkmanistonning "Nisa" klubi bilan to'qnash keladi. Mavsumni muvaffaqiyatli o'tkazayotgan "Paxtakor" Ashxoboddagi birinchi o'yinda kutilmaganda 0:5 hisobida imkoniyatni boy berdi. Ikki haftadan keyin Toshkentda o'tadigan javob bahsida Vega da Silva shogirdlarini murakkab vazifa kutib turardi. Qolaversa, "Nisa" Qurbon Berdiev boshchiligida yaxshi o'yin namoyish etayotgandi.
23 oktyabr kuni "Paxtakor" stadioni muxlislar bilan liq to'ldi. O'yinni ko'rish uchun 50 ming muxlis tashrif buyurgan. Bellashuv boshlanishi bilanoq hujumga o'tgan "Paxtakor" ilk daqiqadayoq penalti ishlaydi va raqib posboni so'nggi umid foli uchun maydondan chetlatiladi. Penaltini Mirjalol Qosimov aniq amalga oshiradi. Raqibning kamchilik bo'lib qolganidan foydalangan "sherlar" tinimsiz hujum uyushtirishga tushadi. Birinchi bo'limning o'zida umumiy farq minimal ko'rinishga keltiriladi. Aleksandr Xvostunov, Mirjalol Qosimov va Igor SHkvirin kiritgan to'plar natijasida hisob 45-daqiqada 4:0ga etadi. Ikkinchi bo'limda yana ikki gol urib, darvoza daxlsizligini saqlab qolish talab etilardi.
67-daqiqada Andrey Strelcov o'rniga o'yinga qo'shilgan Dilmurod Nazarov beshinchi golga mualliflik qiladi. Hal qiluvchi gol esa faoliyati mobaynida 300dan ortiq to'p muallifi bo'lgan Igor SHkvirin hisobiga yoziladi. SHu tariqa "Paxtakor" uddalash juda ham qiyin bo'lgan vazifaning uddasidan chiqadi. Bu Osiyo klublar musobaqalarida amalga oshirilgan eng buyuk "kambek"lardan biri sanaladi.
"PAXTAKOR" — "NISA" Turkmaniston — 6:0 (4:0)
1998 yil, 23 oktyabr. "Paxtakor" stadioni. 50000 tomoshabin.
"Paxtakor": Roshin, Ashurmatov, SHoymardonov, Qosimov, Qambaraliev, Strelcov (D.Nazarov, 55), Xvostunov, SHirshov (Aliev, 61), Xodiev (Abduraimov, 25), SHkvirin, Akopyanc.
Gollar: Qosimov, 3-pen - 1:0. Xvostunov, 18 - 2:0. Qosimov, 30 - 3:0. SHkvirin, 45 - 4:0. D.Nazarov, 67 - 5:0. SHkvirin, 75 - 6:0.
CHetlatish: Berdiev, 1 ("Nisa").
Hakam: Koilparambil (Hindiston).
Bosh sahifaga
279