Unda hamyurtimiz Rustam Ashurmatov faoliyat olib borayotgan “Kvandju” jamoasi “Seul” mehmoni bo'ldi va kichik hisobda imkoniyatni boy berdi (0:1). Biz esa o'zbekistonlik himoyachining ortda qolgan ikki tur haqidagi fikrlari bilan qiziqdik.
“Hamma ko'rib turibdi. Uchrashuvlar muxlislarsiz o'tmoqda. Barcha karantin qoidalariga rioya qilgan holda harakat qilmoqda. SHularni inobatga olmasa boshqa o'zgarishlar yo'q. Jamoamiz endi yuqori ligaga chiqdi. Bu jon saqlab qolish uchun kurashamiz degani emas. Oldinda o'yinlar ko'p. Ikki mag'lubiyat bizga ko'proq nimalar ustida ishlashimiz kerakligini ko'rsatdi. Jamoada yaxshi saviyadagi futbolchilar etarli. Faqat ozgina tajribasizlik pand bermoqda. Boz ustiga yana uchta asosiy futbolchimiz jarohat sabab bizga yordam bera olishmayapti. Ular ham qaytsa o'yinimiz bundan ham sifatli chiqishiga ishonchim komil.
Koreyada o'zbekistonlik futbolchilarga qiziqishni ortishiga ijobiy holat sifatida qarash mumkin. Bunga sabab oxirgi yillarda o'ynagan o'zbek futbolchilari o'zlaridan yaxshi taassurot qoldirdi. Masalan, Ikrom Aliboev, SHohruh Gadoev, Sanjar Tursunov kabi futbolchilar K-Ligada yomon o'yin ko'rsatishmadi. Agarda shu zayilda davom etsa bu erda hamyurtlarimiz yana ko'payadi.
Bevosita teleekran orqali kuzatib borayotgan muxlislarimizga karantin paytida sabr tilayman. Hozirgi qiyinchiliklardan matonat va iroda bilan o'tib olsak yana hamma o'zi istagan ishiga qaytishi mumkin. Barchalariga omad va sog'lik tilayman”,- dedi Ashurmatov.
Abdulaziz Iskandarov yozib oldi
Bosh sahifaga
318