Mundo Deportivo xabariga ko'ra, agar Koutinoning jarohatdan forig' bo'lishi reja bo'yicha ketsa, u iyun oyi o'rtalarida safga qaytishi kutilmoqda. Agar shunday bo'ladigan bo'lsa, braziliyalik futbolchi Bundesliganing so'nggi tur uchrashuvlarida maydonga tusha oladi.
Agar Koutino kutilgan sport formasiga qayta olsa, Germaniya kubogi finalida ham to'p tepishi mumkin. Buning uchun myunxenliklar musobaqa yarim finalidan muvaffaqiyatli o'tishlari kerak bo'ladi. SHuningdek, futbolchi avgust oyida o'tkazilishi rejalashtirilayotgan ECHL uchrashuvlarida ham jamoasiga yordam berishi mumkin.
Buning uchun “Bavariya” futbolchi bilan amaldagi kelishuvni avgust oyi oxiriga qadar uzaytirishi lozim bo'ladi. Nemis klubi bu ishni amalga oshirishi uchun “Barselona” bilan kelishib olishi darkor.
Hozircha “Bavariya” rahbariyati ijara muddatini uzaytirish borasida Koutinoning o'ziga xabar bermagan.
Koutino 24 aprel kuni o'ng oyog'idan olgan jarohati bois jarrohlik stoliga yotqizilgan edi.
Ilgariroq futbolchining xizmatlariga “Nyukasl”, “CHelsi” va “Lester” qiziqayotganligi haqida xabarlar tarqatilgandi. “Bavariya” futbolchining transferini sotib olish niyatida emas.
Bosh sahifaga
1848