Ispan klubining xabariga ko'ra, "Atletiko" pandemiya davrida halok bo'lgan 32 muxlisning klubga azolik raqamlarini ramziy xotira sifatida saqlab qo'yadi.
"So'nggi bir necha oy davomida biz qiyin kunlarni boshdan kechirdik va "Atletiko" oilasi COVID-19 oqibatlariga beparvo bo'lmadi. Afsuski biz "Atleti"ni butun tarixi davomida ulug'vor qilgan taniqli futbolchilar va murabbiylar, shuningdek bazi klub muxlislarimiz bilan xayrlashishga majbur bo'ldik. Tez orada imkoni bo'lguncha klub ularga ranglarimizga sodiq bo'lishgani uchun minnatdorlik bildiradi va ular doimo qalbimizda mangu yashashadi.
Pandemiya davrida jamoamizning kamida 32 muxlisi hayotdan ko'z yumgan. Yangi mavsum boshida, har yili iyun oyida klub uchun azo bo'lganlarning o'lim holatlari yoki bekor qilinganligi sababli bo'shagan raqamlari yangi egalarini topardi.
Ammo, bunday vaziyatda klub 2020/21 yilgi mavsumda ham ularning raqamlari saqlab qoladi, ular xotiralarda mangu yashashadi va klub ularga minnatdorchilik bildiradi", - deyiladi "Atleti" xabarida.
"Atletiko" koronavirusga qarshi kurash uchun 20000ta niqob xayriya qildi
Bosh sahifaga
272