Jonli efir davomida ishqibozlar tomonidan turli savollar kelib tushdi. Jurnalist SHahboz Beg'amovning Azim Ahmedovning joriy yil boshida Koreya K ligasiga yo'l olish varianti paydo bo'lgani haqidagi savoliga futbolchi quyidagicha javob berdi.
“Janubiy Koreya va Yaponiya chempionatlaridan juda ham zo'r takliflar tushdi desam ham bo'ladi. Men bu borada Xayrulla Hayitboevich, jamoadagi rahbarlar bilan gaplashdim. To'g'risi, shunday pallada muxlislarni tashlab ketgim kelmadi. Ularni o'yladim. Bizning maqsadimiz CHempionlar Ligasiga yo'llanmani qo'lga kiritish. Xalqaro maydonga chiqsak tarix yaratgan bo'lamiz. SHundan keyin yana takliflar bo'laveradi. Odil akam bilan ham maslahatlashdim. Ular menga qolib jamoaga yordam berishimni takidladilar. Men haqimda juda yomon fikrlar bo'ldi. Lekin, baribir “Navbahor”ni tashlab keta olmadim.
Bilsangiz, puldan ham muhimroq narsalar bor. Yaponiya yoki Koreya menga o'z klubimdagidan 5-6 barobar ko'p maosh berishardi. Biroq, muxlislarimizni tashlab ketishga qo'zim qiymadi. Ko'rdingiz, safarda o'ynasak ham ular uydagidek muhitni hosil qilib berishadi. Bu yil jonimni berib oxirgacha kurashaman. Keyingi yil esa legionerga aylanish masalasini o'ylab ko'raman”,- deydi mahoratli yarim himoyachi.
Malumot o'rnida, 2019 yilgi mavsumda futbolchi Superligada 22ta uchrashuvda maydonga tushib 1ta gol, 1ta pas va 5ta sariq kartochka oldi. So'ngi turlarni jarohat sabab o'tkazib yuborgach bu yildan boshlab yana etakchilikni o'z qo'liga oldi.
"Navbahor" yulduzlari ishtirokidagi "Tezkor Studiya"ni tomosha qiling:
Bosh sahifaga
199