“Birinchi bo'limdagi o'yinimizdan judayam mamnunman. Maydonda to'liq ustunlik qildik. Ayniqsa, markaziy himoyachi poziciyasida harakat qilgan David Alabaning harakatlari menga judayam yoqdi. U bu chiziqda yuksak saviyada o'yin ko'rsata oldi. SHuningdek, Tomas Myullerni ham ajratib ko'rsatgan bo'lardim. U bo'sh zonalardan samarali foydalana oldi va bir nechta gollarning urilishida o'z hissasini qo'shdi. Birinchi bo'lim biz qanday xohlagan bo'lsak shu tarzda kechdi.
Ikkinchi bo'limda tezlik bilan uchinchi golni urdik va hisob yiriklashdi. Futbolchilar muddatidan oldin o'yin masalasini hal qildik, deb o'ylashdi. Koncentraciyani yo'qotdik. To'psiz u qadar yaxshi harakat qila olmadik. “Ayntraxt” standart vaziyatlarda xavfli ekanligini bilardik. Ammo o'sha vaziyatlarda ularga qarshilik qilishda biroz oqsadik. Xatolarimizdan xulosa chiqarishimiz lozim. Seshanba kuni bo'ladigan bahsda chiroyli o'yin kutamiz. Bundesligada jamoalar saviyasi yuqori, barcha jamoalar muxlislarga yoqadigan o'yin namoyish eta oladi”, deya Flikning so'zlaridan iqtibos keltirmoqda “Bavariya” klubi rasmiy sayti.
Bosh sahifaga
421