Aleks Sandro "Yuve" "Bavariya" to'sig'idan o'ta olishiga ishonmoqda

- "Yuventus" buyuk jamoa. Men juda baxtliman. CHunki menga bu klub ishonch bildirmoqda. Menga Turinda yashash, "Yuventus" libosida o'ynash yoqmoqda. Ushbu jamoada g'oliblik ruhi kuchli. Bu erga ko'chib o'tganingdan so'ng xuddi miyanga chip o'rnatib qo'yishadi va sen doimo g'olib bo'lish haqida o'ylay boshlaysan. Meni ham miyamga chip o'rnatib qo'yishgandek taassurot bo'lmoqda. Klub va futbolchilar meni juda iliq kutib olishdi. Jamoa murabbiylar shtabi, futbolchilar, umuman barcha meni jamoada ko'nikib ketishimda katta ko'maklashishdi. Futbolchilar doimo aloqada bo'lamiz, gaplashamiz va bu jamoa sifatida o'sishimga ham yordam beradi. Hozirgi "Yuventus" yarim yil avvalgidan farq qiladi. Ayni paytda jamoa yanada kuchliroq bo'lib shakllandi. Maydonda bir-birimizni yaxshi tushunamiz, kerakli paytda kim qanday harakatlanishini bilamiz. Kundan-kunga o'sib boryapman, o'yinim yaxshilanayotganini sezyapman. Nafaqat futbolchi, balki inson sifatida ham o'sishga erishyapman.

Dibala va Pogba - bu ikki chempion futbolchilar. Ular dunyoning istalgan jamoasida yuqori saviyada o'ynashlari va "Oltin to'p"ga davogarlik qilishlari mumkin. Hamyurtim Neymarning "Barselona"dagi ishlari yurishayotganidan xursandman. Ko'pchilik Neymar evropada yo'qolib qoladi deb taxmin qilgandi. Ammo Neymar yuqori darajadagi futbolchi ekanini isbotlamoqda. Kun kelib Neymar, Dibala va Pogba "Oltin to'p" uchun o'zaro raqobatlashishadi.

Biz barchamiz juda katta o'yin ostonasida turibmiz. Hamma bu safar yanada yaxshiroq natija qayd etishimizga ishonmoqda. Biz Germaniyaga g'alaba maqsadida boramiz va o'z kuchimizni isbotlaymiz.CHunki bizning tarkibimizda ham tajribali va yuqori saviyali futbolchilar bor. Jamoamizda g'oliblik ruhi yuqori top darajadagi futbolchilar etarli va ular g'alaba qozonishimizga katta yordam berishadi.

Eslatib o'tamiz, ECHL nimchorak final doirasidagi "Yuventus" - "Bavariya" (2:2) to'qnashuvining dastlabki bahsida tomonlar murosa ko'chasini tanlashgandi. Ertaga esa ushbu jamoalar Myunxenda chorak final masalasini hal qiluvchi o'yinda maydonga tushishadi.